ಯಾರ್ಕರ್ ಸ್ಪೆಷಲಿಸ್ಟ್ ಎಂದರೆ ಇದುವರೆಗೆ ಜಸ್ಪ್ರೀತ್ ಬುಮ್ರಾ ಒಬ್ಬರೇ ಆಗಿದ್ದರು. ಆದರೆ ಈಗ ಬುಮ್ರಾಗೆ ನಟರಾಜನ್ ರೂಪದಲ್ಲಿ ತಕ್ಕ ಸಾಥಿ ಸಿಕ್ಕಿದ್ದಾರೆ. ಇದುವರೆಗೆ ನಡೆದ ಪಂದ್ಯಗಳಲ್ಲಿ ಕರಾರುವಾಕ್ ಆಗಿ ಯಾರ್ಕರ್ ಎಸೆದಿರುವ ನಟರಾಜನ್ ಬೌಲಿಂಗ್ ಶೈಲಿ ಎಲ್ಲರನ್ನೂ ಬೆರಗುಗೊಳಿಸಿದೆ. ಹಾರ್ದಿಕ್ ಪಾಂಡ್ಯ ಕೂಡಾ ಅಗತ್ಯಕ್ಕೆ ತಕ್ಕಂತೆ ಬೌಲಿಂಗ್ ಮಾಡುವ ನಟರಾಜನ್ ರನ್ನು ಹೊಗಳಿದ್ದಾರೆ. ಹೀಗಾಗಿ ಈ ಯುವ ಆಟಗಾರನಿಗೆ ಟೀಂ ಇಂಡಿಯಾದಲ್ಲಿ ಉತ್ತಮ ಭವಿಷ್ಯವಿದೆ ಎನ್ನುವುದು ಪಕ್ಕಾ.
