ನಾನು ಒಂದು ಫೋಟೋ ಹಾಕಿದ್ದಕ್ಕೇ ಧೋನಿ ನಿವೃತ್ತಿ ಬಗ್ಗೆ ರೂಮರ್ ಹಬ್ಬಿಸಿದ್ರಲ್ಲಾ ಎಂದ ವಿರಾಟ್ ಕೊಹ್ಲಿ
ಇದೀಗ ದ.ಆಫ್ರಿಕಾ ಸರಣಿಗೂ ಮೊದಲು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಕೊಹ್ಲಿ ಈ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ‘ನಾನು ಮನೆಯಲ್ಲಿ ಕೂತಿದ್ದಾಗ ಸುಮ್ಮನೇ ಒಂದು ಹಳೆಯ ಫೋಟೋ ಅಪ್ ಲೋಡ್ ಮಾಡಿದೆ ಅಷ್ಟೇ. ಅದುವೇ ಸುದ್ದಿಯಾಗಿಬಿಟ್ಟಿತು. ಹೀಗಾಗಿ ಇದು ನನಗೊಂದು ಪಾಠ ಕಲಿಸಿತು. ನಾನು ಏನು ಆಲೋಚನೆ ಮಾಡುತ್ತೇನೋ ಅದನ್ನೇ ಜಗತ್ತೂ ಯೋಚಿಸಬೇಕೆಂದಿಲ್ಲ ಎಂದು ಅರ್ಥ ಮಾಡಿಕೊಂಡೆ. ಆ ಪಂದ್ಯ ನನಗೆ ವಿಶೇಷವಾಗಿತ್ತು. ಅದನ್ನು ನಾನು ಎಲ್ಲೂ ಹೇಳಿಕೊಂಡಿರಲಿಲ್ಲ. ಅದಕ್ಕೇ ಫೋಟೋ ಹಾಕಿದೆ. ಆದರೆ ಜನ ಅದನ್ನು ಬೇರೇ ರೀತಿಯಲ್ಲಿ ಅರ್ಥೈಸಿದರು’ ಎಂದು ಕೊಹ್ಲಿ ಸ್ಪಷ್ಟಪಡಿಸಿದ್ದಾರೆ.
