ಧೋನಿ ಅನುಪಸ್ಥಿತಿಯಲ್ಲಿ ನಾಯಕನಾದಾಗ ಕೊಹ್ಲಿ ಡ್ರೆಸ್ಸಿಂಗ್ ರೂಂನಲ್ಲಿ ಹೇಳಿದ್ದೇನು?
ಶುಕ್ರವಾರ, 1 ಡಿಸೆಂಬರ್ 2017 (10:54 IST)
ಮುಂಬೈ: 2014 ರ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಖಾಯಂ ನಾಯಕ ಧೋನಿ ಗಾಯಗೊಂಡು ತಂಡದಿಂದ ಹೊರಗುಳಿದಾಗ ನಾಯಕತ್ವ ವಹಿಸಿಕೊಂಡ ವಿರಾಟ್ ಕೊಹ್ಲಿ ಡ್ರೆಸ್ಸಿಂಗ್ ರೂಂನಲ್ಲಿ ಹೇಳಿದ್ದ ಮಾತನ್ನು ಹೊರಹಾಕಿದ್ದಾರೆ.
ಅಂದು ತಂಡದ ಸಭೆ ನಡೆಸಿದ ಕೊಹ್ಲಿ ‘ನೋಡಿ.. ಅವರು ಏನೇ ಟಾರ್ಗೆಟ್ ಕೊಟ್ಟರೂ ಅದನ್ನು ನಾವು ನಾಳೆ ಚೇಸ್ ಮಾಡೋಣ. ಯಾರಿಗಾದ್ರೂ ಏನಾದ್ರೂ ಸಮಸ್ಯೆಯಿದ್ದರೆ ಹೇಳಿ. ಇದರ ವಿರೋಧವಿದ್ದರೆ ಹೇಳಬಹುದು. ಇಲ್ಲದಿದ್ದರೆ ಗುರಿ ತಲುಪುತ್ತೇವೆ ಎಂಬ ಭಾವನೆಯೊಂದಿಗೆ ನಿಮ್ಮ ಕೊಠಡಿಗೆ ಹೋಗಿ’ ಎಂದು ಕೊಹ್ಲಿ ಹೇಳಿದ್ದರಂತೆ.
ಕೊಹ್ಲಿಯ ಈ ಖಡಕ್ ಮಾತುಗಳು ಆಟಗಾರರ ಮೇಲೆ ಭಾರೀ ಪರಿಣಾಮ ಬೀರಿತ್ತಂತೆ. ಹಾಗಂತ ಕಾರ್ಯಕ್ರಮವೊಂದರಲ್ಲಿ ಅವರೇ ಹೇಳಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
