ಕೇರಳದಲ್ಲಿ ನವಜಾತು ಶಿಶುಗಳು ಸೇಫ್!

ಕೊಚ್ಚಿ: ನಮ್ಮ ದೇಶದಲ್ಲಿ ನವಜಾತ ಶಿಶುಗಳ ಸಾವು ಪ್ರಮುಖ ಸಮಸ್ಯೆಯಾಗಿದೆ. ಆದರೆ ಕೇರಳದಲ್ಲಿ ನವಜಾತ ಶಿಶುಗಳು ಹೆಚ್ಚು ಸೇಫ್ ಎಂದು ರಾಷ್ಟ್ರೀಯ ಕೌಟುಂಬಿಕ ಕ್ಷೇಮ ಸರ್ವೇ (ಎನ್ ಎಫ್ ಎಚ್ ಎಸ್) ತಿಳಿಸಿದೆ.

2015-16 ನೇ ಸಾಲಿನ ಅಂಕಿ ಅಂಶ ಬಿಡುಗಡೆ ಮಾಡಿರುವ ಎನ್ ಎಫ್ ಎಚ್ ಎಸ್ ಈ ವಿಷಯ ಬಹಿರಂಗಪಡಿಸಿದೆ. ಕೇರಳದಲ್ಲಿ ನವಜಾತ ಶಿಶುಗಳ ಸಾವಿನ ಪ್ರಮಾಣ ಕಡಿಮೆ ಎಂದಿದೆ. ಕೇರಳದಲ್ಲಿ ಒಂದು ವರ್ಷಕ್ಕಿಂತ ಒಳಗಿನ ಪ್ರಾಯದ 1000 ಶಿಶುಗಳ ಪೈಕಿ ಕೇವಲ 6 ಮಂದಿ ಮಾತ್ರ ಸಾವಿಗೀಡಾಗುತ್ತಾರೆ. ಅಷ್ಟರಮಟ್ಟಿಗೆ ಶಿಶು ಮರಣ ಪ್ರಮಾಣ ಕಡಿಮೆ ಎನ್ನಲಾಗಿದೆ.

ಆದರೆ ದೇಶದ ಪ್ರಮಾಣ ನೋಡಿದರೆ ಇದು 1000 ಕ್ಕೆ 41 ರ ಅನುಪಾತದಲ್ಲಿದೆ. ಕೇರಳದಂತೇ ಇಡೀ ದೇಶದಲ್ಲಿ ಮರಣ ಪ್ರಮಾಣ ನಿಯಂತ್ರಣಕ್ಕೆ ಬಂದರೆ, ಪ್ರತೀ ವರ್ಷ 7 ಲಕ್ಷ ಮಕ್ಕಳನ್ನು ಕಾಪಾಡಬಹುದಾಗಿದೆ ಎಂದು ಸರ್ವೇ ಹೇಳಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.