ಲಂಡನ್‌ನಲ್ಲಿ ಕಾನೂನು ಪದವಿ ಪಡೆದಿರುವ ಘೋಂಚೇಚ್‌ ಗಾವಮಿ, ಕಳೆದ ಜೂನ್ ತಿಂಗಳಲ್ಲಿ ಟೆಹ್ರಾನ್ ಕ್ರೀಡಾಂಗಣದಲ್ಲಿ ಇರಾನ್ ರಾಷ್ಟ್ರೀಯ ವಾಲಿಬಾಲ್ ತಂಡ ಪಾಲ್ಗೊಂಡಿದ್ದ ಪಂದ್ಯವನ್ನು ವೀಕ್ಷಿಸಲು ತೆರಳಿದ ಸಮಯದಲ್ಲಿ ಅವರನ್ನು ಬಂಧಿಸಲಾಗಿತ್ತು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಳೆದ ತಿಂಗಳು ನ್ಯಾಯಾಲಯದಲ್ಲಿ ಆಕೆಯ ವಿಚಾರಣೆ ನಡೆದಿತ್ತು.
ಪುರುಷರ ಪಂದ್ಯ ವೀಕ್ಷಿಸುವುದಕ್ಕೆ ಮಹಿಳೆಯರಿಗೆ ನಿಷೇಧವಿದ್ದರೂ ಗಾವಮಿ, ಇತರ ಮಹಿಳಾ ಪ್ರತಿಭಟನಾಕಾರರ ಜತೆ ಇರಾನ್ ಮತ್ತು ಇಟಲಿ ನಡುವೆ ನಡೆದ ಪುರುಷರ ವಾಲಿಬಾಲ್ ಪಂದ್ಯ ವೀಕ್ಷಿಸಲು ಪ್ರಯತ್ನಿಸಿದ್ದರು. ಆಗ ಆಕೆಯನ್ನು ಬಂಧಿಸಿ ಬಿಡುಗಡೆಗೊಳಿಸಲಾಗಿತ್ತು ಮತ್ತು ಕೆಲವು ದಿನಗಳ ಬಳಿಕ ಮತ್ತೆ ಬಂಧಿಸಲಾಗಿತ್ತು.
