ಬೀಜಿಂಗ್: ಜಗತ್ತಿನಲ್ಲಿ ಎಂತೆಂತಹಾ ವಿಚಿತ್ರಗಳಿರುತ್ತವೆ ನೋಡಿ. ಚೀನಾದ ರೆಸ್ಟೋರೆಂಟ್ ವಿಚಿತ್ರ ಆಫರ್ ಕೊಡಲು ಹೊಗಿ ಸರಿಯಾಗಿ ಜಾಡಿಸಿಕೊಂಡಿದೆ.
ಟ್ರೆಂಡೀ ಶ್ರಿಂಪ್ ಎನ್ನುವ ಸೀ ಫುಡ್ ರೆಸ್ಟೋರೆಂಟ್ ಒಂದರಲ್ಲಿ ಬ್ರಾ ಗಾತ್ರಕ್ಕನುಗುಣವಾಗಿ ಆಹಾರ ಕೊಡುವುದಾಗಿ ಆಫರ್ ನೀಡಿದ್ದರು. ಇದೀಗ ವ್ಯಾಪಕ ಟೀಕೆಗೆ ಗುರಿಯಾಗಿದೆ.
ಇದೇ ಕಾರಣಕ್ಕೆ ಸ್ಥಳೀಯರು ರೆಸ್ಟೋರೆಂಟ್ ವಿರುದ್ಧ ಪೊಲೀಸರಿಗೆ ದೂರು ಕೊಟ್ಟಿದ್ದಾರಂತೆ. ರೆಸ್ಟೋರೆಂಟ್ ಎದುರುಗಡೆ ಒಳ ಉಡುಪು ಮಾತ್ರ ಧರಿಸಿರುವ ಮಹಿಳೆಯ ಪ್ರತಿಕೃತಿ ನಿಲ್ಲಿಸಿದ್ದಲ್ಲದೆ, ಅಶ್ಲೀಲ ಸಂದೇಶ ಹಾಕಲಾಗಿತ್ತು.
ಇಲ್ಲಿ ಮಹಿಳೆಯರ ಒಳ ಉಡುಪಿನ ಗಾತ್ರಕ್ಕೆ ಅನುಗುಣವಾಗಿ ಒಂದು ಕಪ್ ಆಹಾರಕ್ಕೆ ರಿಯಾಯಿತಿ ನೀಡಲಾಗುತ್ತಿತ್ತಂತೆ. ಇಂತಹ ಕೀಳು ಅಭಿರುಚಿಯ ರೆಸ್ಟೋರೆಂಟ್ ವಿರುದ್ಧ ಇದೀಗ ಸ್ಥಳೀಯರೇ ತಿರುಗಿಬಿದ್ದಿದ್ದಾರೆ.
