ಕೋಲ್ಕೊತ್ತಾ: ರಾಹುಲ್ ತ್ರಿಪಾಟಿಯವರ ಉಸಿರು ಬಿಗಿದಟ್ಟಿಸುವ ಭರ್ಜರಿ 93 ರನ್ ಗಳ ನೆರವಿನಿಂದ ಪುಣೆ ಸೂಪರ್ ಜೈಂಟ್ ಪ್ರಬಲ ಕೊಲ್ಕೊತ್ತಾ ತಂಡದ ಎದುರು 4 ವಿಕೆಟ್ ಗಳ ಭರ್ಜರಿ ಗೆಲುವು ಸಾಧಿಸಿತು.
ಇದಕ್ಕು ಮೊದಲು ಬ್ಯಾಟ್ ಮಾಡಿದ ಕೆಕೆಆರ್ ನಿಗದಿತ 20 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 155 ರನ್ ಗಳಿಸಿತು. ಮತ್ತೊಮ್ಮೆ ಉತ್ತಮದಾಳಿ ಸಂಘಟಿಸಿದ ಜಯದೇವ್ ಉನಾದ್ಕಟ್ 2 ವಿಕೆಟ್ ಕಿತ್ತರು. ಕೋಲ್ಕೊತ್ತಾ ಪರ ಸೂರ್ಯಕುಮಾರ್ ಯಾದವ್ ಅಜೇಯವಾಗಿ 30 ರನ್ ಗಳಿಸಿ ತಂಡದ ಮೊತ್ತ ಉಬ್ಬಲು ನೆರವಾದರು.
ಈ ಮೊತ್ತ ಬೆನ್ನತ್ತಿದ ಪುಣೆಗೆ ಯಾವ ಬ್ಯಾಟ್ಸ್ಮನ್ ಆಸರೆಯೂ ಸಿಗಲಿಲ್ಲ. ಏಕಾಂಗಿಯಾಗಿ ರಾಹುಲ್ ಒಂದೆಡೆಯಿಂದ ಅಬ್ಬರಿಸುತ್ತಿದ್ದರು. ಕೊನೆಯಲ್ಲಿ ಅವರೊಬ್ಬರೇ 52 ಬಾಲ್ ಗಳಲ್ಲಿ 93 ರನ್ ಹೊಡೆದು ಗೆಲುವಿನ ಮಾಲೆ ತೊಡಸಿದರು.
ಇದರೊಂದಿಗೆ ಪುಣೆ ಮೂರನೇ ಸ್ಥಾನಕ್ಕೇರಿತು. ಕೆಕೆಆರ್ ಕೂಡಾ ಅಷ್ಟೇ ಸಂಖ್ಯೆಯ ಗೆಲುವಿನೊಂದಿಗೆ ಅಂಕಪಟ್ಟಿಲ್ಲಿ ಎರಡನೇ ಸ್ಥಾನದಲ್ಲಿ ಲೀಗ್ ಹಂತ ಕೊನೆಗೊಳಿಸಿತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
