ಕ್ರಿಕೆಟ್ ನಿಂದ ದೂರವಿದ್ದಿದ್ದಕ್ಕೆ ಸುರೇಶ್ ರೈನಾ ಕೊಟ್ಟ ಕಾರಣ ನೋಡಿ

ಮುಂಬೈ: ಸುರೇಶ್ ರೈನಾ ಒಂದು ಕಾಲದಲ್ಲಿ ಟೀಂ ಇಂಡಿಯಾದ ಸ್ಥಿರ ಸದಸ್ಯ. ಆದರೆ ಇತ್ತೀಚೆಗೆ ಕ್ರಿಕೆಟ್ ಬಿಟ್ಟು ಮನೆ ಕಡೆಗೆ ಹೆಚ್ಚು ಗಮನ ಕೊಡುತ್ತಿದ್ದಾರೆ ಎಂದು ಅವರ ಮೇಲೆ ಆಪಾದನೆ ಇತ್ತು. ಇದೀಗ ಸ್ವತಃ ರೈನಾ ಕ್ರಿಕೆಟ್ ನಿಂದ ದೂರವಿದ್ದಿದ್ದಕ್ಕೆ ಕಾರಣ ನೀಡಿದ್ದಾರೆ.

ಮೊನ್ನೆಯಷ್ಟೇ ಕ್ರಿಕೆಟಿಗರ ಸಂಭಾವನೆ ಏರಿಕೆ ಮಾಡಿದ್ದ ಬಿಸಿಸಿಐ, ಗುತ್ತಿಗೆಗೆ ಒಳಪಟ್ಟ ಆಟಗಾರರ ಪಟ್ಟಿಯಿಂದ ರೈನಾ ಹೆಸರು ಕೈ ಬಿಟ್ಟಿತ್ತು. ಇದೀಗ ಐಪಿಎಲ್ ಗೆ ಮರಳಿರುವ ರೈನಾ ಗುಜರಾತ್ ತಂಡವನ್ನು ಮುನ್ನಡೆಸಲಿದ್ದಾರೆ.

ನಾನು ಕ್ರಿಕೆಟ್ ನಿಂದ ದೂರವಿರಲು ನನ್ನ ಮಗಳ ಅನಾರೋಗ್ಯ ಕಾರಣವಾಗಿತ್ತು ಎಂದಿದ್ದಾರೆ ರೈನಾ. ಪುತ್ರಿ ಗ್ರೇಷಿಯಾ ದಡಾರ ಮತ್ತು ಜ್ವರದಿಂದ ಬಳಲುತ್ತಿದ್ದಳು. ನಾನು ಆಕೆಯನ್ನು ಆಸ್ಪತ್ರೆಗೆ ಕರೆದೊಯ್ಯಬೇಕಿತ್ತು. ಮನೆ ನೋಡಿಕೊಳ್ಳಬೇಕಿತ್ತು. ಹೇಗೆ ಎಲ್ಲವನ್ನೂ ನಿಭಾಯಿಸಲಿ? ಇದೆಲ್ಲಾ ನನ್ನ ಜವಾಬ್ದಾರಿಯಾಗಿತ್ತು. ಜನ ಏನು ಬೇಕಾದರೂ ಮಾತಾಡಿಕೊಳ್ಳಲಿ ಎಂದು ರೈನಾ ಕಾರಣ ವಿವರಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ