ಟಾಸ್ ಗೆದ್ದ ಬೌಲಿಂಗ್ ಆಯ್ದುಕೊಂಡ ಆರ್ಸಿಬಿ: ಗುಜರಾತ್ ವಿರುದ್ಧ ಬೆಂಗಳೂರು ತಂಡಕ್ಕೆ ದಕ್ಕುತ್ತಾ ಜಯ?
ಸತತ ಆರು ಸೋಲುಗಳ ನಂತರ ಸನ್ರೈಸರ್ಸ್ ವಿರುದ್ಧ ಗೆಲುವಿನ ರುಚಿ ಕಂಡಿರುವ ಫಫ್ ಡುಪ್ಲೆಸಿ ಬಳಗದ ಆತ್ಮವಿಶ್ವಾಸ ಮರಳಿ ಜಾಗೃತವಾಗಿದೆ. ಅದೇ ಹುಮ್ಮಸ್ಸಿನಲ್ಲಿ ಭಾನುವಾರ ಇಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಗುಜರಾತ್ ಟೈಟನ್ಸ್ ತಂಡವನ್ನು ಎದುರಿಸಲಿದೆ.
ಆಡಿರುವ ಒಂಬತ್ತು ಪಂದ್ಯಗಳಲ್ಲಿ ಬೆಂಗಳೂರು ತಂಡವು ಜಯಿಸಿರುವುದು ಎರಡು ಮಾತ್ರ. ಇನ್ನುಳಿದಿರುವ ಐದು ಪಂದ್ಯಗಳಲ್ಲಿ ಜಯಿಸಿದರೂ ಪ್ಲೇ ಆಫ್ ಅವಕಾಶ ಪಡೆಯುವುದು ಖಚಿತವಿಲ್ಲ.
ಈಗಾಗಲೇ ಎಂಟು ಅಂಕ ಗಳಿಸಿರುವ ಗುಜರಾತ್ ತಂಡವನ್ನು ಸೋಲಿಸುವುದು ಸುಲಭವಲ್ಲ. ಶುಭಮನ್ ಗಿಲ್ ನಾಯಕತ್ವದ ತಂಡಕ್ಕೂ ಇನ್ನು ಐದು ಪಂದ್ಯಗಳು ಉಳಿದಿವೆ. ಕಳೆದ ಬಾರಿಯ ರನ್ನರ್ ಅಪ್ ತಂಡವಾಗಿರುವ ಗುಜರಾತ್ ತನ್ನ ತವರಿನಲ್ಲಿ ಜಯಿಸುವ ಛಲದಲ್ಲಿದೆ.