ಸಾಮಾಜಿಕ ಜಾಲತಾಣವಾಗಿರುವ ದೈತ್ಯ ಫೇಸ್‌ಬುಕ್ ಒಡೆತನದ ಒಕ್ಯೂಲಸ್ ಸಂಸ್ಥೆ, ವಿಆರ್ ಹೆಡ್ಸೆಟ್‌ಗಳಲ್ಲಿ 360 ಡಿಗ್ರಿ ವೀಡಿಯೊ ಪ್ರತಿಕ್ರಿಯೆ ನೀಡುವ ವೈಶಿಷ್ಟ್ಯವನ್ನು ಪ್ರಸ್ತುತ ಪಡಿಸಿದೆ. ಇದೀಗ, ಬಳಕೆದಾರರು ವೀಡಿಯೊ ವೀಕ್ಷಿಸುವಾಗ ಲೈಕ್ ಮಾಡಬಹುದಾಗಿದೆ.
ಸ್ಯಾಮಸುಂಗ್ ವಿಆರ್ ಗೂಗ್ಗಲ್ಸ್ ಬಳಸಿಕೊಂಡು ವೀಡಿಯೊ ವೀಕ್ಷಿಸುವ ಬಳಕೆದಾರರು, ವೀಡಿಯೊಗಳಿಗೆ ಲೈಕ್ ಸೇರಿದಂತೆ ಹೊಸ ಐದು ಎಮೋಜಿಗಳನ್ನು ಬಳಸಿಕೊಂಡು ಉತ್ತಮ ಪ್ರತಿಕ್ರಿಯೆ ನೀಡಲು ಸಾಧ್ಯವಾಗಿದೆ. 360 ಡಿಗ್ರಿ ವೀಡಿಯೊ ವೀಕ್ಷಿಸುವ ಸಂದರ್ಭದಲ್ಲಿ ಬಳಕೆದಾರರು ವೀಡಿಯೊ ಕುರಿತು ಬೇರೆ ಬಳಕೆದಾರರು ನೀಡಿರುವ ಪ್ರತಿಕ್ರಿಯೆಗಳನ್ನು ಕಾಣಬಹುದಾಗಿದೆ.
