ಬಹುಭಾಷಾ ನಟಿಯ ಲೈಂಗಿಕ ಕಿರುಕುಳದ ಚಿತ್ರವಿರುವ ಮೆಮೊರಿ ಕಾರ್ಡ್ ಕೊನೆಗೂ ಪೊಲೀಸರ ಕೈಗೆ?

ಕೊಚ್ಚಿ: ಬಹುಭಾಷಾ ನಟಿಯ ಅಪಹರಣ ಮತ್ತು ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಪ್ರಮುಖ ಸಾಕ್ಷಿಯಾಗಿದ್ದ ಮೆಮೊರಿ ಕಾರ್ಡ್ ಕೊನೆಗೂ ಪೊಲೀಸರ ಕೈ ಸೇರಿದೆಯೇ? ಹಾಗೊಂದು ವರದಿ ಮಲಯಾಳಂ ವಾಹಿನಿಗಳಲ್ಲಿ ವರದಿಯಾಗಿದೆ.

ಈ ಮೊದಲು ಇದು ದಿಲೀಪ್ ವಶದಲ್ಲಿದೆ ಎಂದು ಪೊಲೀಸರು ಶಂಕಿಸಿದ್ದರು. ಅದರಂತೆ ಶನಿವಾರ ದಿಲೀಪ್ ಮೊಬೈಲ್ ಫೋನ್ ಗಳನ್ನು ನ್ಯಾಯಾಲಯ ತನ್ನ ವಶಕ್ಕೆ ತೆಗೆದುಕೊಂಡಿತ್ತು. ಇದೀಗ ಪೊಲೀಸರು ಆ ಮೆಮೊರಿ ಕಾರ್ಡ್ ನ್ನು ದಿಲೀಪ್ ನಿಕಟವರ್ತಿಯಾಗಿದ್ದ ವಕೀಲ ಪ್ರತೀಶ್ ಚಾಕೋ ಅವರ ಜ್ಯೂನಿಯರ್ ಲಾಯರ್ ರಾಜು ಜೋಸೆಫ್ ಬಳಿಯಿಂದ ಪಡೆದುಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಆದರೆ ಈ ಮೆಮೊರಿ ಕಾರ್ಡ್ ನಲ್ಲಿ ಯಾವುದೇ ಭಾವ ಚಿತ್ರಗಳಿಲ್ಲ. ಹಾಗಾಗಿ ಇದರಲ್ಲಿದ್ದ ಭಾವಚಿತ್ರಗಳನ್ನು ಅಳಿಸಲಾಗಿದೆಯೇ ಎಂದು ಪರೀಕ್ಷಿಸಲು ಫೊರೆನ್ಸಿಕ್ ಲ್ಯಾಬ್ ಗೆ ಕಳುಹಿಸಲಾಗಿದೆ ಎಂದು ಮಾಧ್ಯಮ ವರದಿ ತಿಳಿಸಿದೆ.

ಇದನ್ನೂ ಓದಿ.. ಹೆಲ್ಮೆಟ್ ಹಾಕಿ ಕೆಲಸ ಮಾಡುವ ಸರ್ಕಾರಿ  ಅಧಿಕಾರಿಗಳು! ಕಾರಣವೇನು ಗೊತ್ತಾ?!

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ