BBK11: ಬಿಬಿಕೆ 11 ವಿನ್ನರ್ ಎಂದು ಕಿಚ್ಚ ಸುದೀಪ್ ಘೋಷಿಸಿದ ತಕ್ಷಣ ಹನುಮಂತ ಮಾಡಿದ್ದೇನು ವಿಡಿಯೋ ನೋಡಿ
ಬಿಗ್ ಬಾಸ್ ಕನ್ನಡ ಸೀಸನ್ 11 ಫೈನಲ್ ನಿನ್ನೆ ನಡೆದಿದೆ. ಈ ಸೀಸನ್ ನ ವಿಜೇತರಾಗಿ ಹನುಮಂತ ಆಯ್ಕೆಯಾಗಿದ್ದಾರೆ. ವೀಕ್ಷಕರ ಅತೀ ಹೆಚ್ಚು ವೋಟ್ ಪಡೆದ ಹನುಮಂತ ವಿನ್ನರ್ ಆಗಿ ಹೊರಹೊಮ್ಮಿದರೆ ತ್ರಿವಿಕ್ರಮ್ ರನ್ನರ್ ಅಪ್ ಆಗಿದ್ದಾರೆ.
ಫೈನಲ್ ವೇದಿಕೆ ಈ ಬಾರಿ ಕಿಚ್ಚ ಸುದೀಪ್ ಗೂ ವಿಶೇಷವಾಗಿತ್ತು. ಯಾಕೆಂದರೆ ಇದೇ ಅವರು ಬಿಗ್ ಬಾಸ್ ನಲ್ಲಿ ಕೊನೆಯ ಬಾರಿಗೆ ನಿರೂಪಣೆ ಮಾಡಿದ್ದರು. ಫೈನಲ್ ವೇದಿಕೆಯಲ್ಲಿ ತ್ರಿವಿಕ್ರಮ್ ಮತ್ತು ಹನುಮಂತು ಅವರನ್ನು ಕಿಚ್ಚ ಕರೆದುಕೊಂಡು ಬಂದಿದ್ದರು.
ಅದರಂತೆ ವೀಕ್ಷಕರ ಹೆಚ್ಚು ವೋಟ್ ಪಡೆದ ಹನುಮಂತ ವಿಜೇತರೆಂದು ಘೋಷಣೆ ಮಾಡಿದಾಗ ಅವರಿಗೇ ನಂಬಲಾಗಲಿಲ್ಲ. ಒಂದು ಕ್ಷಣ ಎದೆಹಿಡಿದುಕೊಂಡು ಶಾಕ್ ವ್ಯಕ್ತಪಡಿಸಿದ ಅವರು ಬಳಿಕ ಖುಷಿಯಿಂದ ನೇರವಾಗಿ ಸುದೀಪ್ ಕಾಲಿಗೆರಗಿ ನಮಸ್ಕರಿಸಿದ್ದಾರೆ. ಅವರಿಗಾಗಿ ಬಂದಿದ್ದ ಕುಟುಂಬಸ್ಥರು ಕುಣಿದು ಕುಪ್ಪಳಿಸಿದ್ದಾರೆ. ಟ್ರೋಫಿ ಪಡೆಯುವಾಗಲೂ ಭಾವುಕರಾದ ಹನುಮಂತ ಕಿಚ್ಚನನ್ನು ತಬ್ಬಿಕೊಂಡು ಸಂಭ್ರಮಿಸಿದ್ದಾರೆ. ಹನುಮಂತ ಗೆದ್ದ ಕ್ಷಣದ ವಿಡಿಯೋ ಇಲ್ಲಿದೆ.
