ಈ ಬಾರಿ ಬಿಗ್ ಕುಳಳಿಗೇ ಕೈ ಹಾಕಿದ ಬಿಗ್ ಬಾಸ್

ಬೆಂಗಳೂರು: ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುವ ಬಿಗ್ ಬಾಸ್ ಕನ್ನಡ ರಿಯಾಲಿಟಿ ಶೋ ನಿನ್ನೆ ಲಾಂಚ್ ಆಗಿದ್ದು, ಈ ಬಾರಿ ಖ್ಯಾತ ನಾಮರನ್ನೇ ಆಯ್ಕೆ ಮಾಡಿಕೊಂಡಿದೆ.

ಬಿಗ್ ಬಾಸ್ ಕನ್ನಡ ಶೋ ಕಳೆದ ಬಾರಿ ಕೊಂಚ ಕಳೆಗುಂದಿತ್ತು. ಅದನ್ನೆಲ್ಲಾ ಸರಿದೂಗಿಸುವಂತೆ ಈ ಬಾರಿ ಖ್ಯಾತ ನಾಮರನ್ನೇ ಬಿಗ್ ಬಾಸ್ ಮನೆಯೊಳಗೆ ಕಳುಹಿಸಲಾಗಿದೆ.

ನಿರೀಕ್ಷೆಯಂತೇ ಕುರು ಪ್ರತಾಪ್, ಜೈ ಜಗದೀಶ್, ದೀಪಿಕಾ ದಾಸ್, ರವಿಬೆಳಗೆರೆ ಶೋಗೆ ಎಂಟ್ರಿಕೊಟ್ಟಿದ್ದಾರೆ. ಆದರೆ ಅಚ್ಚರಿಯ ಆಯ್ಕೆಯೆಂದರೆ ಅಗ್ನಿಸಾಕ್ಷಿ ಧಾರವಾಹಿ ಖ್ಯಾತಿಯ ಚಂದ್ರಿಕಾ ಅಲಿಯಾಸ್ ಪ್ರಿಯಾಂಕಾ, ರಾಧಾರಮಣ ಧಾರವಾಹಿ ಖ್ಯಾತಿಯ ಸುಜಾತ, ಚಂದನಾ ಮುಂತಾದವರು. ಇವರಲ್ಲದೆ ನಟ ಶೈನಿ ಶೆಟ್ಟಿ, ಹರೀಶ್ ರಾಜ್, ಚಂದನ್, ಚೈತ್ರಾ ವಾಸುದೇವ್, ಚೈತ್ರಾ ಕೊಟೂರ್, ರಾಜು ತಾಳಿಕೋಟೆ, ದುನಿಯಾ ರಶ್ಮಿ, ಕಿಶನ್, ಭೂಮಿಕಾ ಶೆಟ್ಟಿ, ಗುರುಲಿಂಗ ಸ್ವಾಮೀಜಿ, ವಾಸುಕಿ ವೈಭವ್ ಮನೆಯೊಳಗೆ ಪ್ರವೇಶಿಸಿದ್ದಾರೆ. ಇಂದಿನಿಂದ ಕಲರ್ಸ್ ಕನ್ನಡದಲ್ಲಿ ಬಿಗ್ ಬಾಸ್ ಮನೆಯೊಳಗಿನ ಕತೆ ಪ್ರಸಾರವಾಗಲಿದೆ.