ಬೆಂಗಳೂರಿನಿಂದ ಹಾಸನಕ್ಕೆ ಸೈಕಲ್ ನಲ್ಲೇ ನಟ ದಿಗಂತ್ ಸವಾರಿ

ಬೆಂಗಳೂರು: ನಟ ದಿಗಂತ್ ಮಂಚಾಲೆ ಸೈಕಲ್ ರೈಡಿಂಗ್ ನಲ್ಲಿ ಸದಾ ಮುಂದು. ಫಿಟ್ನೆಸ್ ಗಾಗಿ ದಿಗಂತ್ ಹೆಚ್ಚಾಗಿ ಸೈಕಲ್ ರೈಡ್ ಮಾಡುತ್ತಿರುತ್ತಾರೆ. ಈ ಬಾರಿ ಅವರು ಬೆಂಗಳೂರಿನಿಂದ ಹಾಸನವರೆಗೆ ಸೈಕಲ್ ಸವಾರಿ ಮಾಡಿ ದಾಖಲೆ ಮಾಡಿದ್ದಾರೆ.

ದಿಗಂತ್ ಮಂಚಾಲೆ ಬೆಂಗಳೂರಿನಿಂದ ಹಾಸನಕ್ಕೆ ಸುಮಾರು 192 ಕಿ.ಮೀ.ಗಳಷ್ಟು ದೂರಕ್ಕೆ ಸೈಕಲ್ ರೈಡಿಂಗ್ ಮಾಡಿದ್ದಾರೆ. ಇದಕ್ಕಾಗಿ 8 ಗಂಟೆ 23 ನಿಮಿಷ ಸಮಯ ವ್ಯಯಿಸಿದ್ದಾರೆ. ಇತ್ತೀಚೆಗೆ ಪತ್ನಿ ಜತೆ ಕರಾವಳಿಗೆ ಪ್ರವಾಸ ಹೋಗಿದ್ದ ದಿಗಂತ್ ಸರ್ಫಿಂಗ್ ಮಾಡುವ ಮೂಲಕ ಸುದ್ದಿ ಮಾಡಿದ್ದರು. ಇದೀಗ ಅವರ ಸೈಕ್ಲಿಂಗ್ ಸಾಹಸ ನೋಡಿ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.