ಅಪ್ಪ-ಅಮ್ಮ ಹೋದ ವರ್ಷ ಬರ್ತ್ ಡೇ ಆಚರಿಸಲ್ಲ: ದುನಿಯಾ ವಿಜಯ್

ಬೆಂಗಳೂರು: ನಟ ದುನಿಯಾ ವಿಜಯ್ ಗೆ ಇಂದು ಜನ್ಮದಿನ. ಆದರೆ ಈ ಬಾರಿ ಅವರ ಜನ್ಮದಿನದಲ್ಲಿ ಯಾವುದೇ ಸಂಭ್ರಮವಿಲ್ಲ.

ಕಾರಣ ಇದೇ ವರ್ಷ ದುನಿಯಾ ವಿಜಿ ತಾವು ಜೀವನದಲ್ಲಿ ಅತ್ಯಂತ ಹೆಚ್ಚು ಪ್ರೀತಿಸುತ್ತಿದ್ದ ಅಮ್ಮ ಮತ್ತು ಅಪ್ಪನನ್ನು ಕಳೆದುಕೊಂಡಿದ್ದಾರೆ. ಇಬ್ಬರೂ ಅನಾರೋಗ್ಯದಿಂದಾಗಿ ಒಬ್ಬರ ಹಿಂದೊಬ್ಬರು ಅಗಲಿದ್ದರು.

ಇದೇ ನೋವಿನಲ್ಲಿರುವ ದುನಿಯಾ ವಿಜಿ ಈ ಬಾರಿ ಬರ್ತ್ ಡೇ ಆಚರಿಸಿಕೊಳ್ಳದೇ ಇರಲು ತೀರ್ಮಾನಿಸಿದ್ದಾರೆ. ಅಮ್ಮ-ಅಪ್ಪನ ನೆನಪು ಕಾಡುತ್ತೆ. ಈ ಬಾರಿ ಬರ್ತ್ ಡೇ ಆಚರಿಸಿಕೊಳ್ಳಲ್ಲ. ಮನೆ ಹತ್ರ ಯಾರೂ ಬರಬೇಡಿ ಎಂದು ವಿಜಿ ಮನವಿ ಮಾಡಿದ್ದಾರೆ.