ಬೆಂಗಳೂರು: ಬಹುನಿರೀಕ್ಷಿತ ಕೆಜಿಎಫ್ 2 ಚಿತ್ರತಂಡ ದೆಹಲಿಯಲ್ಲಿ ಪ್ರಚಾರ ಮುಗಿಸಿಕೊಂಡು ಇದೀಗ ವಾಣಿಜ್ಯ ನಗರಿ ಮುಂಬೈಗೆ ಬಂದಿಳಿಯಲಿದೆ.
ರಾಕಿಂಗ್ ಸ್ಟಾರ್ ಯಶ್ ಮತ್ತು ತಂಡ ಏಪ್ರಿಲ್ 5 ಮತ್ತು 6 ರಂದು ಮುಂಬೈನಲ್ಲಿ ಕೆಜಿಎಫ್ 2 ಚಿತ್ರದ ಪ್ರಚಾರ ನಡೆಸಲಿದೆ. ದೆಹಲಿಯಲ್ಲಿ ರಾಕಿಂಗ್ ಸ್ಟಾರ್ ಯಶ್, ಶ್ರೀನಿಧಿ ಶೆಟ್ಟಿ, ಸಂಜಯ್ ದತ್, ರವೀನಾ ಟಂಡನ್ ಚಿತ್ರದ ಪ್ರಚಾರ ನಡೆಸಿದ್ದರು.
ಮುಂಬೈಯಲ್ಲೂ ಈ ಕಲಾವಿದರೆಲ್ಲಾ ಉಪಸ್ಥಿತರಿರಲಿದ್ದಾರೆ. ಏಪ್ರಿಲ್ 14 ರಂದು ವಿಶ್ವದಾದ್ಯಂತ ಬಿಡುಗಡೆಯಾಗುತ್ತಿರುವ ಕೆಜಿಎಫ್ 2 ಸಿನಿಮಾ ಬಗ್ಗೆ ಪ್ರೇಕ್ಷಕರಲ್ಲಿ ಭಾರೀ ನಿರೀಕ್ಷೆಯಿದೆ.
