ವಿದೇಶಕ್ಕೆ ಪ್ರಯಾಣ ಬೆಳೆಸಲು ಹೈಕೋರ್ಟ್‌ನಿಂದ ಅನುಮತಿ ಸಿಕ್ಕಿದ ಬೆನ್ನಲ್ಲೇ ಇದೀಗ ದರ್ಶನ್ ಅವರು ಸೋಮವಾರ ವಿದೇಶಕ್ಕೆ ತೆರಳಲಿದ್ದಾರೆ.
ಡೆವಿಲ್ ಸಿನಿಮಾದ ಹಾಡಿನ ಚಿತ್ರೀಕರಣಕ್ಕಾಗಿ ವಿದೇಶಕ್ಕೆ ತೆರಳಲು ಅನುಮತಿ ಪಡೆದುಕೊಂಡಿದ್ದಾರೆ. ಸಿನಿಮಾದ ಶೂಟಿಂಗ್ ಮುಗಿಸಿರುವ ಕೊಲೆ ಕೇಸ್ ಜೊತೆ ಸಿನಿಮಾ ವಿಚಾರದಲ್ಲೂ ದರ್ಶನ್ ಸೌಂಡ್ ಜೋರಾಗಿದೆ.
ದರ್ಶನ್ ಅವರು ಗುರುವಾರ ರಾತ್ರಿ ಸಿನಿಮಾ ತಂಡದ ಜೊತೆ ಥೈಲ್ಯಾಂಡ್‌ ಹೋಗಬೇಕಿತ್ತು. ಆದರೆ ಶೂಟಿಂಗ್ ತಂಡ ಮಾತ್ರ ಥಾಯ್ಲೆಂಡ್‌ ವಿಮಾನ ಹತ್ತಿರುವ ಮಾಹಿತಿ ಸಿಕ್ಕಿದೆ.
ಸೋಮವಾರ ಟಿಕೆಟ್ ಬುಕ್ ಆಗಿದ್ದು ಸಿನಿಮಾ ಟೀಮ್ ಜೊತೆಗೂಡಿ ತೆರಳಲಿದ್ದಾರೆ. ಪತ್ನಿ ವಿಜಯಲಕ್ಷ್ಮಿ ಅವರು ಪತಿ ಜೊತೆ ಹೋಗುವ ಸಾಧ್ಯತೆ ಇದೆ.
ಕಳೆದ ಬಾರಿ ಯುರೋಪ್ ಹಾಗೂ ದುಬೈಗೆ ತೆರೆಳಲು ದರ್ಶನ್ ಅನುಮತಿ ಪಡೆದುಕೊಂಡಿದ್ದರು. ಆದರೆ ಇಸ್ರೇಲ್‌-ಇರಾನ್‌ ಯುದ್ಧದ ಕಾರಣದಿಂದ ದರ್ಶನ್ ಆ ಜಾಗ ಬದಲಿಸಿ ಇದೀಗ ಬದಲಿ ದೇಶ ಕಂಡುಕೊಂಡಿದ್ದಾರೆ. ಈ ತಿಂಗಳು ಕೊನೆವರೆಗೂ ದರ್ಶನ್‌ಗೆ ಥೈಲ್ಯಾಂಡ್‌ನಲ್ಲಿರಲು ಕೋರ್ಟ್ ಅನುಮತಿ ನೀಡಿದೆ . ಸೋಮವಾರ ತೆರಳಲಿರುವ ದರ್ಶನ್ ಒಂದು ವಾರ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದಾರೆ.
