ಬೆಳಗ್ಗೆ 10.30 ರ ಸಮಯ.ಹೊಯ್ಸಳ ಪೊಲೀಸರಿಗೆ ಒಂದು ಫೋನ್ ಕಾಲ್ ಬರುತ್ತೆ.ನಮ್ಮ ಮನೆಯಲ್ಲಿ ಗಂಡ ಹೆಂಡತಿ ಜಗಳ ಆಗ್ತಿದೆ ಅಂತಾ ಆತ ಹೇಳಿದ್ದ.ಸ್ಥಳಕ್ಕೆ ಬಂದು ನೋಡಿದಾಗ ಪೊಲೀಸರೇ ದಂಗಾಗಿ ಹೋಗಿದ್ರು.ಯಾಕಂದ್ರೆ ಮನೆಯಲ್ಲಿ ರಕ್ತದ ಕೋಡಿಯೇ ಹರಿದಿತ್ತು.ಮದ್ಯದಲ್ಲಿ ಮಹಿಳೆ ಶವವಾಗಿ ಬಿದ್ದಿದ್ಳು.18 ವರ್ಷದ ದಾಂಪತ್ಯ ಜೀವನ ಕೊಲೆಯಲ್ಲಿ ಅಂತ್ಯವಾಗಿತ್ತು.ರಕ್ತದ ಕೋಡಿಯೇ ಹರಿದಿದೆ.ಎಫ್ಎಸ್ಎಲ್ ತಂಡವೆ ಬಂದಿದೆ.ಇಂಚಿಂಚು ಶೋಧ ನಡೆಸಲಾಗ್ತಿದೆ.ರಾಮಮೂರ್ತಿನಗರ ಹೊಯ್ಸಳ ಬೀದಿಯಲ್ಲಿ ಘನಘೋರವೇ ನಡೆದು ಹೋಗಿದೆ.
ಬೆಳಗ್ಗೆ 10.30 ಕ್ಕೆ ಹೊಯ್ಸಳ ಬೀದಿಯಿಂದ ಮೋರಿಸ್ ಎಂಬಾತ ಹೊಯ್ಸಳಗೆ ಕರೆ ಮಾಡಿದ್ದ.ನಮ್ಮ ಮನೆಯಲ್ಲಿ ಗಂಡ ಹೆಂಡತಿ ನಡುವೆ ಜಗಳ ಆಗ್ತಿದೆ ಎಂದಿದ್ದ.ಪತಿ ಪತ್ನಿ ಗಲಾಟೆ ಅಲ್ವಾ ಬುದ್ಧಿ ಹೇಳಿ ಬರೋಣ ಅಂತಲೇ ಪೊಲೀಸರು ಬಂದಿದ್ರು.ಆದ್ರೆ ಮನೆ ಬಳಿ ಬಂದಾಗ ಘನಘೋರವೇ ಕಂಡಿದೆ.44 ವರ್ಷದ ಮಹಿಳೆ ಲಿದಿಯಾ ರಕ್ತದ ಮಡುವಲ್ಲಿ ಬಿದ್ದಿದ್ದಳು.ಆಕೆಯನ್ನ 46 ವರ್ಷದ ಪತಿ ಮೋರಿಸನೇ ಡಂಬಲ್ಸ್ ನಿಂದ ಹತ್ತಾರು ಬಾರಿ ಹೊಡೆದು ಬರ್ಬರವಾಗಿ ಕೊಂದು ಮುಗಿಸಿದ್ದ.18 ವರ್ಷದ ಹಿಂದೆ ವಿವಾಹವಾಗಿದ್ದ ಮೋರಿಸ್ ಮತ್ತು ಲಿದಿಯಾಗೆ ಮೂವರು ಮಕ್ಕಳಿದ್ದಾರೆ.ರಾಮಮೂರ್ತಿನಗರದ ಹೊಯ್ಸಳ ಬೀದಿಯಲ್ಲಿನ ಮನೆಯ ಎರಡನೇ ಮಹಡಿಯಲ್ಲಿ ವಾಸವಿದ್ರು.ಹೀಗಿರುವಾಗ ಪತ್ನಿಯ ಶೀಲ ಶಂಕಿಸಿದ್ದ ಆರೋಪಿ ಆಗಾಗ ಗಲಾಟೆ ಮಾಡ್ತಿದ್ದ.ಅದೇ ರೀತಿ ಬೆಳಗ್ಗೆ ಮೂವರು ಮಕ್ಕಳು ಶಾಲೆಗೆ ಹೋದ ಬಳಿಕ ಮನೆಯಲ್ಲಿ ಅದೇ ವಿಚಾರಕ್ಕೆ ಗಲಾಟೆಯಾಗಿದೆ.ಬೆಳಗ್ಗೆ 9.30 ಕ್ಕೆ ಗಲಾಟೆ ವಿಕೋಪಕ್ಕೆ ತಿರುಗಿ ಮನೆಯಲ್ಲಿದ್ದ ಎರಡೂವರೆ ಕೆಜಿಯ ಡಂಬಲ್ಸ್ ನಿಂದ ಹೊಡೆದು ಕೊಂದೇಬಿಟ್ಟಿದ್ದ.ನಂತರ ತಾನೇ ಪೊಲೀಸರಿಗೆ ಕರೆ ಮಾಡಿ ಗಲಾಟೆ ಆಗಿದೆ ಅಂತಾ ವಿಷಯ ತಿಳಿಸಿದ್ದ.ಸದ್ಯ ಘಟನೆ ಸಂಬಂಧ ರಾಮಮೂರ್ತಿನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು..ಆರೋಪಿ ಮೋರಿಸ್ ನನ್ನ ವಶಕ್ಕೆ ಪಡೆದು ಹೆಚ್ಚಿನ ವಿಚಾರಣೆ ನಡೆಸ್ತಿದ್ದಾರೆ.ವಿಚಾರಣೆ ಬಳಿಕವಷ್ಟೇ ಕೊಲೆಗೆ ಅಕ್ರಮ ಸಂಬಂಧ ಶಂಕೆಯೇ ಕಾರಣನಾ ಅಥವಾ ಬೇರೆ ಏನಾದರೂ ಕಾರಣ ಇದೆಯಾ ಅನ್ನೋದು ಗೊತ್ತಾಗಬೇಕಿದೆ
