ಸದಾ ಖಡಕ್ ಹೇಳಿಕೆಗಳಿಂದಲೇ ಸುದ್ದಿಯಾಗುವ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಈಗ ಮತ್ತೊಮ್ಮೆ ಗುಡುಗಿದ್ದಾರೆ. ವಾಲ್ಮೀಕಿ ಹಗರಣದ ಮೂಲಕ ಎಸ್ ಟಿ ಎಸ್ ಸಿ ಜನಾಂಗದ ಹಣ ನುಂಗಿದ್ದಾರೆ ಎಂದು ರಾಜ್ಯ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಹಿಂದುಳಿದವರಿಗೆ 10 ಸಾವಿರ ಕೋಟಿ ನೀಡ್ತೀನಿ ಅಂತಾರೆ. 10 ಸಾವಿರ ಕೋಟಿ ಬಿಡಿ, ದಲಿತರು, ಹಿಂದುಳಿದವರ ದುಡ್ಡು ತಗೊಂಡು ಹೋಗಿ ಮುಸ್ಲಿಮರಿಗೆ ಕೊಡ್ತೀರಿ.
ವಕ್ಫ್ ಆಸ್ತಿಗೆ 100 ಕೋಟಿ ರೂ. ಕಂಪೌಂಡ್ ಕಟ್ತಾರಂತೆ. ಅದು ಯಾವ ಹಣ? ಧಾರ್ಮಿಕ ದತ್ತಿ ಇಲಾಖೆಯಿಂದ ಬಂದತಂಹ ಹಿಂದೂಗಳ ಹಣವನ್ನು ಅಲ್ಪಸಂಖ್ಯಾತರಿಗೆ ನೀಡುತ್ತಿದ್ದಾರೆ. ಅಲ್ಪ ಸಂಖ್ಯಾತರು ಎಂದರೆ ಕೇವಲ ಮುಸ್ಲಿಮರು. ಜೈನರಿಗೆ, ಸಿಖ್ಖರಿಗೆ, ಕ್ರಿಶ್ಚಿಯನ್ನರಿಗೂ ಮಾಡಲ್ಲ.
ಸಿದ್ದರಾಮಯ್ಯನವರೇ ಹೇಳಿದ್ದಾರಲ್ಲ, ಮುಂದಿನ ಜನ್ಮ ಇದ್ದರೆ ಸಾಬ್ರನವನಾಗಿ ಹುಟ್ಟೋದು ಅಂತ. ಹಾಲುಮತದಂತಹ ಶ್ರೇಷ್ಠ ಧರ್ಮದಲ್ಲಿ ಹುಟ್ಟಿ ಮುಸ್ಲಿಮನಾಗಿ ಹುಟ್ಟೋದು ಅಂತಾನಲ್ಲ ಸಿದ್ದರಾಮಯ್ಯ ಎಂದು ಬಸನಗೌಡ ಪಾಟೀಲ್ ಯತ್ನಾಳ್ ವಾಗ್ದಾಳಿ ನಡೆಸಿದ್ದಾರೆ.
