ರೋಣ: ವಿವಿಧ ಅಭಿವೃದ್ಧಿ ಕಾರ್ಯಗಳಿಗೆ ಚಾಲನೆ ನೀಡಲು ಗದಗ ಜಿಲ್ಲೆಯ ರೋಣ ತಾಲೂಕಿಗೆ ಬಂದಿದ್ದ ಇಂಧನ ಸಚಿವ ಡಿಕೆ ಶಿವಕುಮಾರ್ ಇಟಗಿ ಭೀಮಾಂಬಿಕೆ ದೇವಸ್ಥಾನದಲ್ಲಿ ಹರಕೆ ಹೊತ್ತು ಕಾಯಿ ಕಟ್ಟಿದ್ದಾರೆ.
ಮೂಢನಂಬಿಕೆಗಳ ಆಚಾರ ವಿಚಾರಗಳನ್ನು ನಂಬಬಾರದು. ಅಂತಹ ಆಚರಣೆಗಳನ್ನು ನಿಷೇಧಿಸಬೆಕು ಎನ್ನುತ್ತಿರುವ ಸರ್ಕಾರದ ಸಚಿವರೇ ಇಂತಹ ಆಚರಣೆ ಮಾಡುತ್ತಿರುವುದು ಸಾಕಷ್ಟು ಜನರ ಹುಬ್ಬೇರುವಂತೆ ಮಾಡಿದೆ.
ಅಭಿವೃದ್ಧಿ ಕಾರ್ಯಗಳಿಗೆ ಬಂದಿದ್ದ ಸಚಿವರಿಗೆ ಸ್ಥಳೀಯ ನಾಯಕರು ಇಲ್ಲಿನ ದೇವಸ್ಥಾನದ ವಿಶೇಷತೆ ಬಗ್ಗೆ ಹೇಳಿದರಂತೆ. ಅದರಂತೆ ಡಿಕೆಶಿ ಇಲ್ಲಿಗೆ ಬಂದು ಹರಕೆ ಹೊತ್ತಿದ್ದಾರೆ. ಆದರೆ ಡಿಕೆಶಿಯ ಹರಕೆ ಏನಾಗಿತ್ತು ಎನ್ನುವುದು ಮಾತ್ರ ದೇವರಾಣೆ ಗೊತ್ತಿಲ್ಲ.
