ಕುಪ್ಪಣ್ಣ ಪಾರ್ಕ್ ಗೆ ಬಂತು ಮೊಸಳೆ

ಮೈಸೂರು: ಪಾರ್ಕ್ ನಲ್ಲಿ ಮೊಸಳೆ ಕಾಣಿಸಿಕೊಂಡು ಕೆಲಕಾಲ ಆತಂಕ ಸೃಷ್ಟಿಯಾದ ಘಟನೆ ಕುಪ್ಪಣ್ಣ ಪಾರ್ಕ್ ನಲ್ಲಿ ನಡೆದಿದೆ.

ಇತ್ತೀಚೆಗೆ ಸುರಿದ ಭಾರೀ ಮಳೆಯಿಂದಾಗಿ ಪಕ್ಕದಲ್ಲಿಯೇ ಇರುವ ಕಾರಂಜಿ ಕೆರೆಯಿಂದ ಈ ಮೊಸಳೆ ಪಾರ್ಕ್ ಗೆ ಹರಿದು ಬಂದಿರಬಹುದು ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ದಸರಾ ಫ್ಲವರ್ ಶೋ ನಡೆದಿದ್ದ ಕುಪ್ಪಣ್ಣ ಪಾರ್ಕ್ ನಲ್ಲಿಯೇ ಈ  ಮೊಸಳೆ ಪ್ರತ್ಯಕ್ಷವಾಗಿದೆ.

ಮೊಸಳೆಯನ್ನ ಗಮನಿಸಿದ ಪಾರ್ಕ್ ಕಾವಲುಗಾರು ಕೂಡಲೇ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ. ಪಾರ್ಕ್ ನಲ್ಲಿ ವಾಕಿಂಗ್ ಗೆಂದು ಬಂದಿದ್ದ ಸ್ಥಳೀಯರು ಮೊಸಳೆ ಕಂಡು ಗಾಬರಿಯಾಗಿದ್ದರು. ತಕ್ಷಣ ಸ್ಥಳಕ್ಕೆ ಬಂದ ಅರಣ್ಯ ಇಲಾಖೆ ಸಿಬ್ಬಂದಿ, ಮೊಸಳೆಯನ್ನು ರಕ್ಷಣೆ ಮಾಡಿದ್ದಾರೆ.