ಬೀದರ್ ಜಿಲ್ಲಾ ಉಸ್ತುವಾರಿ ಸಚಿವ ಬಂಡೆಪ್ಪ ಖಾಶೆಂಪೂರ್ ಮಹಾರಾಷ್ಟ್ರದ ಉಸ್ಮಾನಬಾದ್ ಜಿಲ್ಲೆಯಲ್ಲಿರುವ ತುಳಜಾಪುರ ಅಂಬಾ ಭವಾನಿ ದೇವಾಸ್ಥಾನಕ್ಕೆ ಸೈಕಲ್ ಸವಾರಿ ಮಾಡುತಿದ್ದಾರೆ.
ಬೀದರ್ ನಿಂದ 200 ಕಿಲೋ ಮೀಟರ್ ದೂರದಲ್ಲಿರುವ ದೇವಸ್ಥಾನಕ್ಕೆ ಸೈಕಲ್ ಏರಿ ಹೊರಟಿದ್ದು, ಅದಕ್ಕಾಗಿ 22,500 ರೂಪಾಯಿ ಮೌಲ್ಯದ ಹೆಡ್ ಲೈಟ್, ಟ್ಯುಬಲೇಸ್ ಟಾಯರ್ ಹೊಂದಿರುವ ಸೈಕಲ್ ಖರೀದಿ ಮಾಡಿದ್ದಾರೆ. ಬೆಳಗ್ಗೆ ತಮ್ಮ ಮನೆಯಲ್ಲಿ ಉಪಾಹಾರ ಸೇವಿಸಿ ತಮ್ಮ ಬೆಂಬಲಿಗರೊಂದಿಗೆ ಅಂಬಾಭವಾನಿ ದೇವಸ್ಥಾನಕ್ಕೆ ಹೊರಟಿದ್ದಾರೆ.
ಮೂರು ದಿನಗಳ ಕಾಲ ಪ್ರವಾಸ ಮಾಡಲಿರುವ ಬಂಡೆಪ್ಪ ಇದೇ 24 ರಂದು ಹುಣ್ಣಿಮೆಯ ದಿನ ದೇವಸ್ಥಾನ ತಲುಪಲಿದ್ದು, ಅಂಬಾ ಭವನಿಗೆ ವಿಶೇಷ ಪೂಜೆ ಸಲ್ಲಿಸಲಿದ್ದಾರೆ. ಪ್ರತಿ ವರ್ಷದಂತೆ ಈ ಬಾರಿಯೂ ಹೊರಡುತ್ತಿದ್ದು ಸಚಿವರಾದ ಮೇಲೆ ಸೈಕಲ್ ನಲ್ಲಿ ದೇವಸ್ಥಾನಕ್ಕೆ ಹೊರಡುತ್ತಿರುವುದು ವಿಶೇಷವಾಗಿದೆ. ಬಂಡೆಪ್ಪ ಮನೆ ಹತ್ತಿರ ಇರುವ ಶ್ರೀ ರಾಮ ಮಂದಿರದಲ್ಲಿ ಪೂಜೆ ನೇರವೇರಿಸಿ ಸೈಕಲ್ ಸವಾರಿಗೆ ಅಧಿಕೃತವಾಗಿ ಚಾಲನೆ ನೀಡಿದ್ರು.
