ತಾಯಿಯನ್ನು ಮಗ ಹಾಗೂ ಸೊಸೆ ಆರೈಕೆ ಮಾಡದ ಕಾರಣದಿಂದ ರೋಸಿಹೋದ ವೃದ್ಧನೊಬ್ಬ ಮಾಡಬಾರದ ಕೆಲಸ ಮಾಡಿದ್ದಾನೆ.
ಅನಾರೋಗ್ಯ ಪೀಡಿತ ತನ್ನ ಪತ್ನಿಗೆ ಮಗ ಹಾಗೂ ಸೊಸೆ ಸರಿಯಾಗಿ ಆರೈಕೆ ಮಾಡುತ್ತಿರಲಿಲ್ಲವಂತೆ. ಅಲ್ಲದೇ ಆಗಾಗ್ಗೆ ಸೊಸೆ ಜಗಳ ಮಾಡುತ್ತಿದ್ದಳಂತೆ. ಮಗ ಕೂಡ ತಂದೆ-ತಾಯಿಗೆ ನೆರವಾಗಿ ನಿಲ್ಲಲಿಲ್ಲ.
ಇದರಿಂದ ಬೇಸತ್ತ ವೃದ್ಧನೊಬ್ಬ ತನ್ನ ಪತ್ನಿಗೆ ವಿಷ ಕುಡಿಸಿ ಆ ಬಳಿಕ ತಾನೂ ಆತ್ಮಹತ್ಯೆಗೆ ಶರಣಾಗಿದ್ದಾನೆ.
ಬೆಂಗಳೂರು ಗಿರಿನಗರ ನಿವಾಸಿ ಕೃಷ್ಣಮೂರ್ತಿ ಹಾಗೂ ಸ್ವರ್ಣಾ ಆತ್ಮಹತ್ಯೆಗೆ ಶರಣಾದ ದಂಪತಿಯಾಗಿದ್ದಾರೆ.
ಈ ಕುರಿತು ಗಿರಿನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
