ಬೆಸ್ಕಾಂ ಇವಿ ಎಕ್ಸ್ಫೊಗೆ ಜನ ಜಂಗುಳಿ

ನಗರದ ಅರಮನೆ ಮೈದಾನದ ಚಾಮರ ವಜ್ರದಲ್ಲಿ ನಡೆಯುತ್ತಿರುವ 3 ದಿನಗಳ ಇವಿ ಎಕ್ಸ್ಪೊವನ್ನು ಎರಡನೇ ದಿನವಾದ ಶನಿವಾರ ಸುಮಾರು 5 ಸಾವಿರ ಜನರು ವೀಕ್ಷಿಸಿದ್ದಾರೆ. ದೇಶದ ಪ್ರತಿಷ್ಠಿತ ಇವಿ ಕಂಪನಿಗಳು ಎಕ್ಸ್ಫೊದಲ್ಲಿ ಪಾಲ್ಗೊಂಡಿದ್ದು, ನೂರಕ್ಕು ಹೆಚ್ಚು ಇವಿ ಕಂಪನಿಗಳು , ಪೂರೈಕೆದಾರರು ಮತ್ತು ಬ್ಯಾಟರಿ ತಯಾರಕರು ಪ್ರದರ್ಶನದಲ್ಲಿ ಭಾಗವಹಿಸಿದ್ದರು. ಮಾರುಕಟ್ಟೆಗೆ ಬಿಡುಗಡೆಯಾಗಿರುವ ಹೊಸ ವಿದ್ಯುತ್ ಚಾಲಿತ ದ್ವಿಚಕ್ರ ವಾಹನಗಳ ಟೆಸ್ಟ್ ರೈಡ್ ಮಾಡಲು ಎಕ್ಸ್ಫೊದಲ್ಲಿ ನೂಕು-ನುಗ್ಗಲು ಏರ್ಪಟ್ಟಿತ್ತು. ಬ್ಯಾಟರಿ ಚಾಲಿತ ಫೋಲ್ಡೇಬಲ್ ಸೈಕಲ್ ಹೆಚ್ಚು ಜನರನ್ನು ಆಕರ್ಷಿಸಿತು. ಈ ಸೈಕಲ್ ಮುಂಗಡ ಬುಕ್ಕಿಂಗ್ ಭರಾಟೆ ಜೋರಾಗಿತ್ತು. ಟ್ರಾಕ್ಟರ್ ಗಳು, ಮೂರು ಚಕ್ರದ ಸರಕು ವಾಹನಗಳು, ದ್ವಿಚಕ್ರ ವಾಹನಗಳು, ಸೈಕಲ್, ವಿವಿಧ ಕಂಪನಿಗಳ ಇವಿ ಕಾರುಗಳು ಜನರ ಗಮನ ಸೆಳೆಯಿತು.