ಹೊಸ ದಾಖಲೆ ಬರೆದ ರಾಜ್ಯದ ರೈಲು

ರಾಜ್ಯದ ರೈಲೊಂದು ಹೊಸ ದಾಖಲೆ ಬರೆದಿದೆ.

ಬರೋಬ್ಬರಿ 1.25 ಕಿ.ಮೀ ಅತಿ ಉದ್ದದ್ದ ಗೂಡ್ಸ್ ರೈಲು ಹೊಂದುವ ಮೂಲಕ ನೈರುತ್ಯ ರೈಲ್ವೆ ವಲಯವು ತನ್ನ ಇತಿಹಾಸದಲ್ಲೇ ಹೊಸ ದಾಖಲೆ ಬರೆದಿದೆ.

ಹೊಸಪೇಟೆಯಿಂದ ಗೋವಾದ ತಿನೈಘಾಟ್ ವರೆಗೆ ಜು.19 ರಂದು ಈ ಗೂಡ್ಸ್ ರೈಲನ್ನು ಯಶಸ್ವಿಯಾಗಿ ಓಡಿಸಲಾಗಿದೆ. ಇದರಿಂದ ಹೆಚ್ಚು ಸರಕುಗಳನ್ನು ಸಾಗಿಸುವುದರ ಜತೆಗೆ, ಇತರ ರೈಲುಗಳ ದಟ್ಟಣೆ ಕಡಿಮೆ ಮಾಡಬಹುದಾಗಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.

ಅತಿ ಉದ್ದದ ರೈಲು ಒಟ್ಟು 117 ವ್ಯಾಗನ್,  4 ಲೋಕೊಮೋಟಿವ್ ಬೃಹತ್ ಎಂಜಿನ್‌ಗಳನ್ನು ಹೊಂದಿದ್ದು, ಸರಕು ತುಂಬಿದ ಹಾಗೂ ಖಾಲಿಯಾಗಿಯೂ ಓಡಿಸಲಾಗಿದೆ. ಗಂಟೆಗೆ ಸರಾಸರಿ 5 ಕಿ.ಮೀ. ಸಂಚರಿಸಲಿದೆ.

ಎಂಜಿನೀಯರ್‌ಗಳ ಕಾರ್ಯವೈಖರಿಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ವಲಯದ  ಜಿಎಂ ಅಜಯಕುಮಾರ್ ಸಿಂಗ್, ಮಾರ್ಗಗಳಲ್ಲಿ ರೈಲುಗಳ ಸಾಮರ್ಥ್ಯ ಹೆಚ್ಚಿಸಲಿದೆ. ಅಲ್ಲದೆ ವೇಗ ಸಂಚಾರಕ್ಕೆ ಹೆಚ್ಚಿನ ಅವಕಾಶ ದೊರೆಯಲಿದೆ ಎಂದಿದ್ದಾರೆ.