ಕೋತಿ ಮರಿಗೂ ಮೊಬೈಲ್ ಹುಚ್ಚು..!
ಪ್ರಾಣಿಗಳ ಮರಿಗಳನ್ನು ನೋಡಲು ನಿಜಕ್ಕೂ ಖುಷಿಯಾಗುತ್ತದೆ. ಆ ಮುಗ್ಧತೆ, ತುಂಟಾಟ ಎಲ್ಲವೂ ಸುಂದರ. ಅವುಗಳ ಆಟ, ಕುತೂಹಲವನ್ನು ಕಣ್ತುಂಬಿಕೊಳ್ಳುತ್ತಿದ್ದರೆ ಹೊತ್ತು ಕಳೆದದ್ದೇ ಗೊತ್ತಾಗದು. ಪುಟಾಣಿ ಕೋತಿಯೊಂದು ಮೊಬೈಲ್ ಎಳೆಯಲು ಯತ್ನಿಸುವ ದೃಶ್ಯವಿದು. ಒಬ್ಬರು ಮೊಬೈಲ್ ಫೋನ್‌ನಲ್ಲಿ ಫೋಟೋ ಸೆರೆ ಹಿಡಿಯುತ್ತಿದ್ದರೆ ಪುಟಾಣಿ ಕೋತಿಯೊಂದು ಆ ಮೊಬೈಲ್ ಫೋನ್ ಕಸಿದುಕೊಳ್ಳಲು ಯತ್ನಿಸುತ್ತಿತ್ತು. ಈ ವೇಳೆ ಎಲ್ಲಾ ತಾಯಿಂದಿರಂತೆ ಈ ಪುಟಾಣಿಯ ಅಮ್ಮ ಕೂಡಾ ತನ್ನ ಕಂದನನ್ನು ತನ್ನತ್ತ ಎಳೆಯುತ್ತಿದ್ದಳು. ಆದರೆ, ಅಮ್ಮನ ಹಿಡಿತ ಸಡಿಲವಾಗುತ್ತಿದ್ದಂತೆಯೇ ಈ ಪುಟಾಣಿ ಮೊಬೈಲ್ ಫೋನ್‌ನತ್ತ ಬರುತ್ತಿತ್ತು. ತಾಯಿ ಕೂಡಾ ಮತ್ತೆ ಮತ್ತೆ ಕಂದನನ್ನು ಎಳೆಯುತ್ತಿರುವುದನ್ನು ಇಲ್ಲಿ ನೋಡಬಹುದು. ಸಹಜವಾಗಿಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆದಿದೆ.
