ಆನಿಮೇಷನ್, ವಿಷ್ಯುವಲ್ಸ್, ಗೇಮಿಂಗ್ ಮತ್ತು ಕಾಮಿಕ್ಸ್. ಈ ನಾಲ್ಕೂ ಸಹ ಬೆಳೆಯುತ್ತಿರುವ ಕ್ಷೇತ್ರಗಳು. ಇದರಲ್ಲಿ ಯುವಕರ ಕೌಶಲ ಬೆಳೆಸಿದರೆ ಭಾರಿ ಉದ್ಯೋಗಾವಕಾಶವನ್ನು ಈ ಕ್ಷೇತ್ರಗಳು ದೊರಕಿಸಿಕೊಡಲಿವೆ.
ಇದಕ್ಕಾಗಿಯೇ ಸರ್ಕಾರ ಎವಿಜಿಸಿ ಕಾರ್ಯಪಡೆಯೊಂದನ್ನು ಸೃಷ್ಟಿಸಲಿರುವುದಾಗಿ ವಿತ್ತ ಸಚಿವೆ ಘೋಷಿಸಿದ್ದಾರೆ. ಈ ಟಾಸ್ಕ್ ಫೋರ್ಸ್, ಈ ನಾಲ್ಕೂ ಕ್ಷೇತ್ರಗಳಲ್ಲಿ ದೇಶೀಯವಾಗಿ ಹಾಗೂ ಜಾಗತಿಕವಾಗಿ ಮಾರುಕಟ್ಟೆ ಏನೆಲ್ಲ ಅಪೇಕ್ಷಿಸುತ್ತದೆ ಎಂಬುದನ್ನು ಅಭ್ಯಸಿಸಿ, ಭಾರತದ ಯುವಕರು ಆ ಅವಕಾಶಗಳನ್ನು ಉಪಯೋಗಿಸಿಕೊಳ್ಳುವುದಕ್ಕೆ ತಯಾರು ಮಾಡಲಿದೆ.
