ಶಿವಲಿಂಗದಲ್ಲಿ ಮೂಡಿದ ವಿಸ್ಮಯ, ಅಚ್ಚರಿ ಏನು?

ಶನಿವಾರ, 7 ಜುಲೈ 2018 (16:52 IST)
ಶಿವಲಿಂಗದಲ್ಲಿ ಮೂಡಿದ ಆಕಾರವೊಂದು ಅಚ್ಚರಿ ಮೂಡಿಸಿರುವ ಘಟನೆ ನಡೆದಿದೆ. ಏಕಶಿಲಾ ಶಿವಲಿಂಗದ ಹಿಂಭಾಗದಲ್ಲಿ ಜಡೇಶ್ವರ ಮೂರ್ತಿ ಆಕಾರ ಮೂಡಿರುವ ಅಚ್ಚರಿಯ ಘಟನೆ ನಡೆದಿದೆ. ಈ ಅಚ್ಚರಿಯನ್ನು ನೋಡಲು ಜನರು ಗುಂಪು ಗುಂಪಾಗಿ ದೇವಸ್ಥಾನಕ್ಕೆ ಆಗಮಿಸಿ ಕುತೂಹಲದಿಂದ ವೀಕ್ಷಣೆ ಮಾಡುತ್ತಿದ್ದಾರೆ. 

ಬೆಳಗಾವಿ ಜಿಲ್ಲೆಯ ರಾಮದುರ್ಗ ಪಟ್ಟಣದಲ್ಲಿ ಈ ಅಚ್ಚರಿ ಬೆಳಕಿಗೆ ಬಂದಿದೆ. ಶಿವಲಿಂಗದಲ್ಲಿ ಮೂಡಿರುವ ಜಡೇಶ್ವರ ಮೂರ್ತಿ ಆಕಾರದ ವಿಸ್ಮಯ ಕಂಡು ಜನರು ಮೊಬೈಲ್ ಗಳಲ್ಲಿ ಸೆರೆಹಿಡಿಯುತ್ತಿದ್ದಾರೆ. 

ರಾಮದುರ್ಗ ಪಟ್ಟಣದ ಹೊವಲಯದ 78 ಅಡಿ ಎತ್ತರದ ಬೃಹತ್ ಶಿವನಮೂರ್ತಿ ಕೆಳಭಾಗದಲ್ಲಿ ಈ ಶಿವಲಿಂಗವಿದೆ. ಶಿವಲಿಂಗ ಪ್ರತಿಷ್ಠಾಪಿಸಿರುವ ನಾಲ್ಕು ತಿಂಗಳ ಬಳಿಕ ಅದರ ಹಿಂಭಾಗದಲ್ಲಿ ಜಡೇಶ್ವರ ಮೂರ್ತಿ ಆಕಾರ ಕಾಣಿಸಿಕೊಂಡಿದೆ. ಶಿವಲಿಂಗಕ್ಕೆ ಪೂಜೆ, ಪುನಸ್ಕಾರವನ್ನು ಭಕ್ತರು ನಡೆಸುತ್ತಿದ್ದಾರೆ. 
 
 
 

ವೆಬ್ದುನಿಯಾವನ್ನು ಓದಿ

ಸಂಬಂಧಿಸಿದ ಸುದ್ದಿ