ವಿಚಾರಣಾಧಿಕಾರಿ ಐಎಎಸ್ ಅಧಿಕಾರಿ ರಾಧೇಶ್ಯಾಮ್ ಮೊಪಾಲ್‌ವಾರ್‌ನಿಂದ 1 ಕೋಟಿ ರೂಪಾಯಿ 'ಸುಲಿಗೆ ಹಣ ಸ್ವೀಕರಿಸುತ್ತಿರುವ ಸಂದರ್ಭದಲ್ಲಿ ಹಣ ಸುಲಿಗೆ ವಿರೋಧ ದಳದ ಪೊಲೀಸರು, ಖಾಸಗಿ ಪತ್ತೆದಾರ ಮತ್ತು ಆತನ ಪತ್ನಿಯನ್ನು ರೆಡ್‌ಹ್ಯಾಂಡಾಗಿ ಹಿಡಿದು ನ್ಯಾಯಾಂಗ ವಶಕ್ಕೆ ಒಪ್ಪಿಸಿದೆ.
ಮೋಪಲ್‌ವಾರ್ ಅವರಿಗೆ ಹಣ ಸುಲಿಗೆ ಮಾಡಿದ ಆರೋಪದ ಮೇಲೆ ಖಾಸಗಿ ಪತ್ತೆದಾರ ಸತೀಶ್ ಮಂಗ್ಲೆ ಮತ್ತು ಆತನ ಪತ್ನಿ ಶ್ರದ್ಧಾ ಅವರನ್ನು ದೊಂಬಿವಲಿ ಪ್ರದೇಶದಲ್ಲಿರುವ ನಿವಾಸದಲ್ಲಿ ಬಂಧಿಸಲಾಗಿದೆ. ಪೊಲೀಸರು ಅವರ ಮನೆಯಿಂದ ಎರಡು ಲ್ಯಾಪ್‌ಟಾಪ್, ಐದು ಮೊಬೈಲ್ ಹ್ಯಾಂಡ್‌‍ಸೆಟ್, ನಾಲ್ಕು ಪೆನ್‌ಡ್ರೈವ್, 15 ಸಿಡಿಗಳು ವಶಕ್ಕೆ ತೆಗೆದುಕೊಂಡಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
