ಪ್ರಧಾನ ಮಂತ್ರಿ ನರೇಂದ್ರ ಮೋದಿ ದೆಹಲಿ ವಿವಿಯಿಂದ ಪದವಿ ಪಡೆದಿರುವ ವಿಷಯ ಈಗ ವಿವಾದದ ಸ್ವರೂಪಕ್ಕೆ ತಿರುಗಿದ್ದು, ಪ್ರಧಾನಿ ಸುಳ್ಳು ಹೇಳಿದ್ದಾರೆಂದು ಸಾಬೀತು ಮಾಡಲು ತಮ್ಮ ಬಳಿ ಹೊಸ ದಾಖಲೆಗಳಿವೆ ಎಂದು ಆಮ್ ಆದ್ಮಿ ಪಕ್ಷ ಪ್ರತಿಪಾದಿಸಿದೆ. ಇತ್ತೀಚೆಗೆ ಸುದ್ದಿಪತ್ರಿಕೆಗಳಲ್ಲಿ ಪ್ರಕಟವಾದ ಡಿಗ್ರಿ ನಕಲಿಯಾಗಿದೆ ಎಂದೂ ಅದು ತಿಳಿಸಿದೆ.
ಪ್ರಧಾನಿ ಮೋದಿ ಪದವಿ ಪಡೆದ ದಿನಾಂಕದಲ್ಲೇ ಉತ್ತೀರ್ಣರಾಗಿರುವ ನರೇಂದ್ರ ಮಹಾವೀರ್ ಮೋದಿ ಎಂಬವರ ಡಿಗ್ರಿ ಪ್ರಮಾಣಪತ್ರವನ್ನು ತಾನು ಪತ್ತೆಹಚ್ಚಿರುವುದಾಗಿ ಎಎಪಿ ತಿಳಿಸಿದೆ. ನರೇಂದ್ರ ಮಹಾವೀರ್ ಮೋದಿ ರಾಜಸ್ಥಾನದ ಆಳ್ವಾರ್‌ಗೆ ಸೇರಿದ್ದು, ಪ್ರಧಾನಿ ಮೋದಿ ಗುಜರಾತಿನ ವಡಾನಗರದವರು ಎಂದು ಅವರ ಶಾಲೆಯ ಪ್ರಮಾಣ ಪತ್ರ ಉಲ್ಲೇಖಿಸಿ ಎಎಪಿ ತಿಳಿಸಿದೆ.
