ಟ್ವಿಟರ್ ಗೆ ಪರ್ಯಾಯ ‘ಕೂ’ ಹುಟ್ಟಿಕೊಂಡಿದ್ದು ಬೆಂಗಳೂರಿನಲ್ಲಿ!

ನವದೆಹಲಿ: ಕೇಂದ್ರ ಮತ್ತು ಟ್ವಿಟರ್ ನಡುವಿನ ತಿಕ್ಕಾಟದ ಲಾಭವಾಗಿರುವುದು ಬೆಂಗಳೂರು ಮೂಲದ ‘ಕೂ’ ಸಂಸ್ಥೆಗೆ. ಈ ಸ್ವದೇಶೀ ಸಾಮಾಜಿಕ ಜಾಲತಾಣಕ್ಕೆ ಈಗ ಜನಪ್ರಿಯತೆ ಹೆಚ್ಚಿದೆ.

ಟ್ವಿಟರ್ ಕೇಂದ್ರದ ನಿರ್ದೇಶನ ಪಾಲಿಸದೇ ಇರುವ ಕಾರಣಕ್ಕೆ ಈ ಸಾಮಾಜಿಕ ಜಾಲತಾಣದಿಂದ ಕೆಲವರು ವಿಮುಖರಾಗುತ್ತಿದ್ದಾರೆ. ಸ್ವತಃ ಕೇಂದ್ರ ಸಚಿವ ಪಿಯೂಷ್ ಗೋಯಲ್ ‘ಕೂ’ ನಲ್ಲಿ ಖಾತೆ ತೆರೆದಿದ್ದಾರೆ. ಇವರ ಹಿಂದೆಯೇ ಕೇಂದ್ರದ ಕೆಲವು ಸಚಿವಾಲಯಗಳೂ ‘ಕೂ’ನಲ್ಲಿ ಖಾತೆ ತೆರೆದಿವೆ. ಹೀಗಾಗಿ ಈ ದೇಸೀ ಆಪ್ ಈಗ ಜನಪ್ರಿಯವಾಗುತ್ತಿದೆ. ವಿಶೇಷವೆಂದರೆ ಈ ಆಪ್ ನ್ನು ಅಭಿವೃದ್ಧಿಪಡಿಸಿರುವುದು ಬೆಂಗಳೂರು ಮೂಲದ ಸ್ಟಾರ್ಟ್ ಅಪ್ ಸಂಸ್ಥೆ. ಒಂದು ವೇಳೆ ಇದು ಜನಪ್ರಿಯವಾದರೆ ಬೆಂಗಳೂರಿಗೆ ಹೆಮ್ಮೆಯ ವಿಷಯವಾಗಲಿದೆ.