ರಾಖಿ ಕಟ್ಟಲು ಬಂದವಳನ್ನು ಕೂಡಿ ಹಾಕಿ ಅತ್ಯಾಚಾರ ಮಾಡಿದ ಕಾಮುಕ

ಪಾಟ್ನಾ : ಸ್ವಂತ ಅಕ್ಕ ತಂಗಿಯರನ್ನೆ ತಮ್ಮ ಕಾಮಾದಾಟಕ್ಕೆ ಬಳಸಿಕೊಳ್ಳುವ ಅಣ್ಣತಮ್ಮಂದಿರಿರುವ ಈ ಕಾಲದಲ್ಲಿ ರಾಖಿ ಹಬ್ಬಕ್ಕೆ ಸಂಬಂಧಿಯೊಬ್ಬನಿಗೆ ರಾಖಿ ಕಟ್ಟು ಹೋಗಿ  15 ವರ್ಷದ ಹುಡುಗಿಯೊಬ್ಬಳು ಆತನಿಂದಲ್ಲೇ ಅತ್ಯಾಚಾರಕ್ಕೊಳಗಾದ ಘಟನೆ ಬಿಹಾರದ ಬಾಂದಾದ ತಿಂಡ್ವಾರಿ ಪ್ರದೇಶದಲ್ಲಿ ಆಗಸ್ಟ್ 26 ರಂದು ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.

ಆಗಸ್ಟ್ 26ರ ರಾಖಿ ಹಬ್ಬದಂದು ಸಂತ್ರಸ್ತೆ ತನ್ನ 21 ವರ್ಷದ ಸಂಬಂಧಿಕನಾದ ಆರೋಪಿ ಮೋಹಿತ್‍ ನ ಮನೆಗೆ ಹೋಗಿದ್ದಾಳೆ. ಆದರೆ ಆತ ಸಂತ್ರಸ್ತೆಯನ್ನು ತನ್ನ ಮನೆಯಲ್ಲಿಯೇ ಕೂಡಿ ಹಾಕಿಕೊಂಡು ಎರಡು ದಿನಗಳ ಕಾಲ ಅತ್ಯಾಚಾರ ಎಸಗಿದ್ದಾನೆ. ಇತ್ತ ಎರಡು ದಿನಗಳಾದರು ಮಗಳು ಮನೆಗೆ ಬಂದಿಲ್ಲ ಎಂದು ಹುಡುಕಾಡಿದ ಸಂತ್ರಸ್ತೆಯ ಕುಟುಂಬದವರು  ಕೊನೆಗೆ ಮೋಹಿತ್ ಮೇಲೆ ಅನುಮಾನಗೊಂಡು ಆತನ ವಿರುದ್ಧ ಭಾನುವಾರ ಪೊಲೀಸರಿಗೆ ದೂರು ನೀಡಿದ್ದಾರೆ. ನಂತರ ಈ ಘಟನೆ ಬೆಳಕಿಗೆ ಬಂದಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಇದೀಗ ಪೊಲೀಸರು ಸಂತ್ರಸ್ತೆಯ ಕುಟುಂಬದವರು ನೀಡಿದ್ದ ದೂರಿನಾಧಾರದ ಮೇಲೆ ಆರೋಪಿ ಮೋಹಿತ್ ವಿರುದ್ಧ ಎಫ್‍ಐಆರ್ ದಾಖಲಿಸಿಕೊಂಡಿದ್ದಾರೆ. ಆದರೆ ಆರೋಪಿ ಮೋಹಿತ್ ತಲೆಮರೆಸಿಕೊಂಡಿದ್ದ ಕಾರಣ ಆತನಿಗಾಗಿ ಪೊಲೀಸರು ಹುಡುಕಾಟ ಆರಂಭಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.