ಆರ್ಟಿಐಯಿಂದ ಮಾಹಿತಿ ಬಹಿರಂಗವಾಗಿದ್ದು, ಏಪ್ರಿಲ್ 2014 ರಿಂದ ಅಕ್ಟೋಬರ್ 2017 ರವರೆಗೆ ಎಲೆಕ್ಟ್ರಾನಿಕ್, ಮುದ್ರಣ ಮಾಧ್ಯಮ ಮತ್ತು ಇತರ ಪ್ರಚಾರ ಮೂಲಗಳಿಗಾಗಿ ಸರಕಾರ 37,54,06,23,616 ಕೋಟಿ ರೂಪಾಯಿ ವೆಚ್ಚ ಮಾಡಿದೆ.
ಮಾಹಿತಿ ಪ್ರಕಾರ, ಮೋದಿ ಸರಕಾರ 1656 ಕೋಟಿ ರೂಪಾಯಿಗಳನ್ನು ಎಲೆಕ್ಟ್ರಾನಿಕ್ ಮಾಧ್ಯಮಗಳಿಗೆ( ರೇಡಿಯೋ, ಡಿಜಿಟಲ್ ಸಿನೆಮಾ, ದೂರದರ್ಶನ್, ಇಂಟರ್ನೆಟ್, ಎಸ್ಎಂಎಸ್ ಮತ್ತು ಟಿವಿ ಚಾನಲ್ಗಳ) ವೆಚ್ಚ ಮಾಡಿದೆ. ಮುದ್ರಣ ಮಾಧ್ಯಮಕ್ಕೆ 1698 ಕೋಟಿ ರೂಪಾಯಿ ವೆಚ್ಚ ಮಾಡಿರುವುದು ಬಹಿರಂಗವಾಗಿದೆ.
ಹೋರ್ಡಿಂಗ್ಸ್, ಪೋಸ್ಟರ್ಸ್, ಬುಕ್ಲೆಟ್ ಮತ್ತು ಕ್ಯಾವೆಂಡರ್ಗಳಿಗಾಗಿ ಕೇಂದ್ರ ಸರಕಾರ 399 ಕೋಟಿ ರೂಪಾಯಿಗಳನ್ನು ವೆಚ್ಚ ಮಾಡಿದೆ.
2016 ರಲ್ಲಿ ತನ್ವರ್ ಸಲ್ಲಿಸಿದ ಆರ್ಟಿಐ ಅರ್ಜಿಯ ಪ್ರಕಾರ ಮೋದಿ ಸರಕಾರ ಜೂನ್ 1, 2014 ಮತ್ತು ಆಗಸ್ಟ್ 31, 2016 ರ ನಡುವೆ ಪ್ರಧಾನಿ ನರೇಂದ್ರ ಮೋದಿಯವರ ಜಾಹೀರಾತುಗಳಿಗೆ 1,100 ಕೋಟಿ ರೂ. ವೆಚ್ಚ ಮಾಡಿದೆ.