ಜವಾಹರಲಾಲ್‌ ನೆಹರೂ ವಿವಿಯ (ಜೆಎನ್‌ಯು) ವಿದ್ಯಾರ್ಥಿ ಸಂಘಟನೆಯ ನಾಯಕಿ ಶೆಹ್ಲಾ ರಶೀದ್‌ ವಿರುದ್ಧ ಗಾಯಕ ಅಭಿಜಿತ್‌ ಮಾಡಿರುವ ಟ್ವೀಟ್‌ ಅನ್ನು ನಿಗಮ್ ಸಮರ್ಥಿಸಿದ್ದಾರೆ. ಅಭಿಜಿತ್‌ ಅವರು ಬಳಸಿದ ಭಾಷೆಯನ್ನು ಆಕ್ಷೇಪಿಸಬಹುದು. ಆದರೆ, ಬಿಜೆಪಿ ಲೈಂಗಿಕ ಜಾಲ ನಡೆಸುತ್ತಿದೆ ಎಂದು ಶೆಹ್ಲಾ ಮಾಡಿರುವ ಆರೋಪ ಪ್ರಚೋದನಾಕಾರಿಯಲ್ಲವೇ’ ಎಂದು ಅವರು ಪ್ರಶ್ನಿಸಿದ್ದಾರೆ.
ಒಂದು ವೇಳೆ, ಅಭಿಜಿತ್‌ ಅವರ ಖಾತೆಯನ್ನು ಸ್ಥಗಿತಗೊಳಿಸುತ್ತಾರೆ ಎಂದಾದರೆ, ಶೆಹ್ಲಾ ಅವರ ಖಾತೆ ಮತ್ತು ಪ್ರತೀ ಸಾಧಕರನ್ನು ತಾಯಿ, ಸಹೋದರಿಯರ ಹೆಸರು ಹೇಳಿ ನಿಂದಿಸುವವರ ಖಾತೆಗಳನ್ನು ಯಾಕೆ ರದ್ದು ಮಾಡಬಾರದು ಎಂದು ಪ್ರಶ್ನಿಸಿದ್ದಾರೆ.
