ಮದುವೆಯಾಗುತ್ತಿರುವ ಸಂಬಂಧಿಗೆ ಮೆಹಂದಿ ಇಡುವಂತೆ ಮಹಿಳೆಯನ್ನು ಕರೆದವ ಕೊನೆಗೆ ಮಾಡಿದ್ದೇನು?
ಭಾನುವಾರ, 20 ಡಿಸೆಂಬರ್ 2020 (06:59 IST)
ಲೂಧಿಯಾನ : ಮೆಹಂದಿ ಆರ್ಟಿಸ್ಟ್ ಕೆಲಸ ಮಾಡುತ್ತಿದ್ದ 21 ವರ್ಷದ ವಿವಾಹಿತ ಮಹಿಳೆಯ ಮೇಲೆ 5 ಮಂದಿ ಪುರುಷರು ಸಾಮೂಹಿಕ ಮಾನಭಂಗ ಎಸಗಿದ ಘಟನೆ ಪಂಜಾಬ್ ನ ಲೂಧಿಯಾನದಲ್ಲಿ ನಡೆದಿದೆ.
ಮದುವೆಯಾಗುತ್ತಿರುವ ತನ್ನ ಸಂಬಂಧಿಗೆ ಮೆಹಂದಿ ಇಡುವಂತೆ ಸುಳ್ಳು ನೆಪಹೇಳಿ ಮಹಿಳೆಯನ್ನು ಕರೆಯಿಸಿಕೊಂಡ ಆರೋಪಿ ನಿರ್ಜನ ಪ್ರದೇಶಕ್ಕೆ ಆಕೆಯನ್ನು ಕರೆದುಕೊಂಡು ಹೋಗಿ ತನ್ನ ನಾಲ್ವರು ಸ್ನೇಹಿತರ ಜೊತೆ ಸೇರಿ ಮಾನಭಂಗ ಎಸಗಿದ್ದಾನೆ.
ಈ ಬಗ್ಗೆ ಮಹಿಳೆ ಪೊಲೀಸರಿಗೆ ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ನಾಲ್ವರನ್ನು ಬಂಧಿಸಿದ್ದು, ಪರಾರಿಯಾದ ಇನ್ನೊಬ್ಬ ಆರೋಪಿಯ ಬಂಧನಕ್ಕಾಗಿ ಬಲೆ ಬೀಸಿದ್ದಾರೆ ಎನ್ನಲಾಗಿದೆ.
