ಅಡೈ ದೋಸೆ ಎನ್ನುವುದು ತಮಿಳುನಾಡಿನಲ್ಲಿ ಪ್ರಸಿದ್ಧಿಯಲ್ಲಿರುವ ಒಂದು ರೀತಿಯ ದೋಸೆಯಾಗಿದೆ. ಸಾಮಾನ್ಯವಾಗಿ ಇದನ್ನು ಬೆಳಿಗ್ಗೆಯ ತಿಂಡಿಗೆ ಮಾಡುತ್ತಾರೆ. ಇದರಲ್ಲಿ ಹಲವು ಧಾನ್ಯಗಳನ್ನು ಬಳಸುವುದರಿಂದ ಇದು ಅತ್ಯಧಿಕ ಪ್ರೋಟೀನ್ ಹಾಗೂ ಕಬ್ಬಿಣಾಂಶಯುಕ್ತವಾಗಿದೆ. ಆದ್ದರಿಂದ ಆಗಾಗ ನೀವು ಬೆಳಗ್ಗಿನ ತಿಂಡಿಗೆ ಅಡೈ ದೋಸೆಯನ್ನು ಮಾಡುತ್ತಿರಬಹುದಾಗಿದೆ. ಇದನ್ನು ಮಾಡುವ ವಿಧಾನಕ್ಕಾಗಿ ಮುಂದೆ ನೋಡಿ.
ಶುಂಠಿ - 1-2 ಇಂಚು
ತುಪ್ಪ ಅಥವಾ ಎಣ್ಣೆ - ಸ್ವಲ್ಪ
ಮಾಡುವ ವಿಧಾನ:
ಅಕ್ಕಿ, ಉದ್ದಿನಬೇಳೆ, ತೊಗರಿಬೇಳೆ, ಕಡಲೆ ಬೇಳೆ ಮತ್ತು ಕೆಂಪು ಮೆಣಸನ್ನು 6-7 ಗಂಟೆ ನೆನೆಸಿಡಿ. ಇವೆಲ್ಲವನ್ನೂ ಮಿಕ್ಸಿಗೆ ಹಾಕಿ ಸ್ವಲ್ಪ ತರಿತರಿಯಾಗಿ ರುಬ್ಬಿಕೊಳ್ಳಿ. ನಂತರ ಒಂದು ಪ್ಯಾನ್ ತೆಗೆದುಕೊಂಡು 2-3 ಚಮಚ ಎಣ್ಣೆಯನ್ನು ಹಾಕಿ. ಬಿಸಿಯಾದ ನಂತರ ಸಾಸಿವೆ, ಇಂಗು, ಕರಿಬೇವು, ಅರಿಶಿಣ ಮತ್ತು ಹೆಚ್ಚಿದ ಈರುಳ್ಳಿಯನ್ನು ಹಾಕಿ ಹುರಿಯಿರಿ. 2 ನಿಮಿಷ ಬಿಟ್ಟು ಅದಕ್ಕೆ ಹೆಚ್ಚಿದ ಶುಂಠಿಯನ್ನು ಸೇರಿಸಿ ಆ ಮಿಶ್ರಣವನ್ನು ಈಗಾಗಲೇ ರುಬ್ಬಿಟ್ಟ ಮಿಶ್ರಣಕ್ಕೆ ಹಾಕಿ ರುಚಿಗೆ ತಕ್ಕಷ್ಟು ಉಪ್ಪನ್ನು ಸೇರಿಸಿದರೆ ದೋಸೆಯ ಹಿಟ್ಟು ರೆಡಿಯಾಗುತ್ತದೆ.
