ಬೆಳಗಿನ ತಿಂಡಿಗೆ ಸ್ಪೆಷಲ್ ಉಬ್ಬು ರೊಟ್ಟಿ ಮಾಡಿ
ಕುಚ್ಚಿಲು ಮತ್ತು ಬೆಳ್ತಿಗೆ ಅಕ್ಕಿಯನ್ನು ಸಮ ಪ್ರಮಾಣದಲ್ಲಿ ಹದ ಬಿಸಿ ನೀರಿನಲ್ಲಿ ಹಾಕಿ ನೆನೆ ಹಾಕಿ. ಇದನ್ನು ಉಪ್ಪು ಹಾಕಿ ನುಣ್ಣಗೆ ರುಬ್ಬಿ. ನೆನೆಪಿರಲಿ. ಹಿಟ್ಟು ರೊಟ್ಟಿ ಹಿಟ್ಟಿನ ಹದಕ್ಕೆ ಗಟ್ಟಿಯಾಗಿ ರುಬ್ಬಿಕೊಳ್ಳಿ. ಇದನ್ನು ಎರಡೂ ಬದಿಗೆ ಬಾಳೆ ಎಲೆ ಹಾಕಿಕೊಂಡು ತಟ್ಟಿ ಹಾಗೆಯೇ ತವಾ ಮೇಲೆ ಬೇಯಿಸಿ. ಪೂರ್ತಿಯಾಗಿ ಬೇಯುವುದು ಬೇಡ. ಬಾಳೆ ಎಲೆ ತೆಗೆಯಲು ಸಾಧ್ಯವಾಗುವ ಹಾಗಿದ್ದರೆ ರೊಟ್ಟಿಯನ್ನು ತವಾದಿಂದ ತೆಗೆದು ಗ್ಯಾಸ್ ಒಲೆ ಅಥವಾ ಕೆಂಡದ ಮೇಲೆ ನೇರವಾಗಿ ಸುಟ್ಟರೆ ರೊಟ್ಟಿ ಉಬ್ಬಿ ಬರುತ್ತದೆ.