ಮಹಿಳಾ ಜಿಮ್ನಾಸ್ಟಿಕ್ಸ್‌ನಲ್ಲಿ ಅತ್ಯಂತ ಕಷ್ಟ ಮತ್ತು ಅಪಾಯಕಾರಿ ಎಂದು ಪರಿಗಣಿಸಲಾದ ಪ್ರುಡುನೋವಾದಲ್ಲಿ ದೀಪಾ ಪದಕ ಗೆಲ್ಲುವ ಆತ್ಮವಿಶ್ವಾಸ ವ್ಯಕ್ತಪಡಿಸಿದರು. ಅಭ್ಯಾಸವು ಪರಿಪೂರ್ಣಗೊಳಿಸುತ್ತದೆಂದು ನಾನು ನಂಬುವುದರಿಂದ ಅದು ಹೆಚ್ಚು ಕಷ್ಟವಾಗುವುದಿಲ್ಲ ಎಂದು ಒಲಿಂಪಿಕ್ ಪಾರ್ಕ್‌ನಲ್ಲಿ ಅವರು ಗುರುವಾರ ಹೇಳಿದರು. ನನ್ನ ಕೋಚ್ ನಾನು ವ್ಯಾಪಕ ಅಭ್ಯಾಸ ಮಾಡುವುದನ್ನು ಖಾತರಿ ಮಾಡಿಕೊಂಡಿದ್ದು, ಇದರಿಂದ ನನಗೆ ಪ್ರುಡುನೋವಾ ಪ್ರದರ್ಶನ ಕಷ್ಟವಾಗುವುದಿಲ್ಲ ಎಂದು ಆತ್ಮವಿಶ್ವಾಸದಿಂದ ಹೇಳಿದರು.
ತನ್ನ ತರಬೇತಿಯ ಪ್ರಮಾಣವನ್ನು ಅವರು ತಿಳಿಸಿ ಕಳೆದ ಮೂರು ತಿಂಗಳಲ್ಲಿ ತಾನು 1000 ಬಾರಿ ಪ್ರುಡುನೋವಾ ಪುನರಾವರ್ತಿಸಿದ್ದು, ಈಗ ಸುಲಭವಾದ ಜಿಗಿತವಾಗಿದೆ ಎಂದರು. ಇತ್ತೀಚಿನವರೆಗೆ ಪ್ರುಡುನೋವಾ ಕುರಿತು ಅನೇಕ ಮಂದಿಗೆ ತಿಳಿದಿರಲಿಲ್ಲ.ಆದರೆ ಈ ಜಿಗಿತವು ಈಗ ನನಗಿಂತ ಭಾರತದಲ್ಲಿ ಪ್ರಖ್ಯಾತವಾಗಿದೆ ಎಂದು ಉದ್ಗರಿಸಿದರು.
