ಇಂದು ಭಾರತಕ್ಕೆ ಮತ್ತೆ ಎರಡು ಪದಕಗಳ ನಿರೀಕ್ಷೆ

ಟೋಕಿಯೋ: ಒಲಿಂಪಿಕ್ಸ್ ನಲ್ಲಿ ಬೆಳ್ಳಂ ಬೆಳಿಗ್ಗೆ ಕಂಚಿನ ಪದಕ ಗೆದ್ದು ಭಾರತೀಯರಿಗೆ ಶುಭ ಸುದ್ದಿ ಕೊಟ್ಟ ಪುರುಷರ ಹಾಕಿ ತಂಡದ ಬಳಿಕ ಇಂದು ಮತ್ತೆ ಎರಡು ಮಹತ್ವದ ಪಂದ್ಯಗಳಿವೆ.

ಇಂದು ಭಾರತ ಮತ್ತೆ ಎರಡು ಪದಕದ ನಿರೀಕ್ಷೆಯಲ್ಲಿದೆ. ಕುಸ್ತಿ ಫೈನಲ್ ನಲ್ಲಿ ರವಿಕುಮಾರ್ ದಹಿಯಾ ಸೆಣಸಾಡಲಿದ್ದು, ಈ ಪಂದ್ಯದಲ್ಲಿ ಚಿನ್ನ ಇಲ್ಲವೇ ಬೆಳ್ಳಿ ಪದಕ ಖಚಿತವಾಗಿದೆ.

ಇದಲ್ಲದೆ, ನಿನ್ನೆ ಸೆಮಿಫೈನಲ್ ನಲ್ಲಿ ಸೋತಿದ್ದ ಕುಸ್ತಿಪಟು ದೀಪಕ್ ಪೂನಿಯಾ ಇಂದು ಕಂಚಿನ ಪದಕಕ್ಕಾಗಿ ಹೋರಾಡಲಿದ್ದಾರೆ. ಒಂದು ವೇಳೆ ಅವರು ಇಂದು ಗೆದ್ದರೆ ಮತ್ತೊಂದು ಪದಕ ಭಾರತದ್ದಾಗಲಿದೆ. ದೀಪಕ್ ಕೂಡಾ ಕಂಚಿನ ಪದಕ ಗೆಲ್ಲಲು ಯಶಸ್ವಿಯಾದರೆ ಭಾರತಕ್ಕೆ ಒಂದೇ ದಿನ ಮೂರು ಪದಕ ಸಿಕ್ಕಿದಂತಾಗಲಿದೆ.