ಕಿರಿಯರ ವಿಶ್ವಕಪ್ ಫೈನಲ್ ಗೆ ಭಾರತ
ಲಕ್ನೋ: ತವರಿನ ಲಾಭ, ಆಕ್ರಮಣಕಾರಿ ಆಟ, ಉತ್ಸಾಹಿ ತಂಡ.. ಇದೆಲ್ಲದರ ಲಾಭ ಪಡೆದ ಭಾರತದ ಹುಡುಗರು ಕಿರಿಯರ ವಿಶ್ವಕಪ್ ಹಾಕಿ ಫೈನಲ್ ಗೇರಿದ್ದಾರೆ. ಆಸ್ಟ್ರೇಲಿಯಾವನ್ನು ಸೆಮಿಫೈನಲ್ ನಲ್ಲಿ 4-2 ಅಂತರದಿಂದ ಸೋಲಿಸಿ ಭಾರತ ಈ ಸಾಧನೆ ಮಾಡಿದೆ.
ಪಂದ್ಯದ 70 ನೇ ನಿಮಿಷದಲ್ಲಿ ಮನ್ ದೀಪ್ ಮತ್ತು ಗುಜ್ರಾಂತ್ ಸಿಂಗ್ ಹೊಡೆದ ತಲಾ ಒಂದೊಂದು ಗೋಲುಗಳ ನೆರವಿನಿಂದ ಉಭಯ ತಂಡಗಳು 2-2 ಅಂತರದಿಂದ ಸಮಬಲ ಸಾಧಿಸಿತ್ತು. ಆದರೆ ಪೆನಾಲ್ಟಿ ಶೂಟೌಟ್ ನಲ್ಲಿ ಭಾರತ ಪಂದ್ಯ ತನ್ನದಾಗಿಸಿಕೊಂಡಿತು.
15 ವರ್ಷಗಳ ನಂತರ ಭಾರತ ಕಿರಿಯರ ವಿಶ್ವಕಪ್ ಫೈನಲ್ ತಲುಪಿದೆ. ಫೈನಲ್ ನಲ್ಲಿ ಅದು ಬೆಲ್ಜಿಯಂ ತಂಡವನ್ನು ಎದುರಿಸಲಿದೆ.