ಭಾರತೀಯ ಕ್ರೀಡೆಯ ಅಭಿಮಾನಿಗಳಿಗೆ 2016ರ ರಿಯೊ ಒಲಿಂಪಿಕ್ಸ್ ಮೂರನೇ ದಿನ ಒಂದರ ಹಿಂದೊಂದು ಎರಡು ಆಘಾತಕಾರಿ ಫಲಿತಾಂಶಗಳು ಬಂದಿವೆ. ಐರ್ಲೆಂಡ್ ತಂಡವನ್ನು ಶನಿವಾರ 3-2ರಿಂದ ಮೊದಲ ಗ್ರೂಪ್ ಪಂದ್ಯದಲ್ಲಿ ಸೋಲಿಸಿದ್ದ ಭಾರತ ಹಾಕಿ ತಂಡ ಜರ್ಮನಿ ವಿರುದ್ಧ ಪಂದ್ಯ ಮುಗಿಯಲು ಮೂರು ಸೆಕೆಂಡುಗಳು ಬಾಕಿವುಳಿದಿರುವಾಗ ಒಂದು ಗೋಲು ಬಿಟ್ಟುಕೊಟ್ಟಿದ್ದರಿಂದ ಜರ್ಮನಿ 2-1ರಿಂದ ಗೆಲುವು ಗಳಿಸಿತು.
ದಿಯೋದರ್ ಪಾರ್ಕ್ ಒಲಿಂಪಿಕ್ ಹಾಕಿ ಕೇಂದ್ರದಲ್ಲಿ ಪುರುಷರ ಹಾಕಿ ತಂಡದ ತಡವಾಗಿ ಗೋಲುಗಳನ್ನು ಒಪ್ಪಿಸುವ ಪರಿಪಾಠ ಅವರನ್ನು ದುಃಸ್ವಪ್ನದಂತೆ ಕಾಡಿತು. ಆಟ ಮುಗಿಯುವುದಕ್ಕೆ ಕೊನೆಯ ಎರಡು ನಿಮಿಷಗಳಲ್ಲಿ ಜರ್ಮನಿ ತೀವ್ರ ಒತ್ತಡವನ್ನು ಹೇರಿತು. ಪಂದ್ಯದುದ್ದಕ್ಕೂ ಪರಿಪೂರ್ಣ ಹಾಕಿ ಆಡಿದ ಭಾರತ ಆಟ ಮುಗಿಯಲು 3.1 ಸೆಕೆಂಡ್‌ಗಳು ಬಾಕಿವುಳಿದಿರುವಾಗ ಗೋಲು ನೀಡಿದ್ದು ಎದೆಗುಂದುವಂತೆ ಮಾಡಿತು.
