ಆಸ್ಟ್ರೇಲಿಯಾ ಬಳಿಕ ಐಪಿಎಲ್ ಗೆ ಶಾಕ್ ಕೊಡಲಿರುವ ಇಂಗ್ಲೆಂಡ್ ಕ್ರಿಕೆಟಿಗರು?

ಮುಂಬೈ: 2019 ರ ಐಪಿಎಲ್ ನಲ್ಲಿ ಈ ಬಾರಿ ತಾರಾ ಆಕರ್ಷಣೆ ಕಡಿಮೆಯಾಗುವ ಸಾಧ್ಯತೆಯಿದೆ. ಅದಕ್ಕೆ ಕಾರಣ ಇಂಗ್ಲೆಂಡ್ ನಡೆಯಲಿರುವ ಏಕದಿನ ವಿಶ್ವಕಪ್.

ವಿಶ್ವಕಪ್ ದೃಷ್ಟಿಯಿಂದ ವೇಗಿಗಳು ಐಪಿಎಲ್ ಆಡದೇ ಇರುವುದು ಒಳ್ಳೆಯದು ಎಂದು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಹೇಳಿದ್ದರು. ಇದರ ಬೆನ್ನಲ್ಲೇ ಆಸ್ಟ್ರೇಲಿಯಾ ಕ್ರಿಕೆಟ್ ‍ಮಂಡಳಿ ವಿಶ್ವಕಪ್ ಗೆ ಸಿದ್ಧತೆ ನಡೆಸಬೇಕಿರುವುದರಿಂದ ತನ್ನ ಆಟಗಾರರನ್ನು ಐಪಿಎಲ್ ಗೆ ಕಳುಹಿಸುವುದಿಲ್ಲ ಎಂದಿದೆ.

ಆಸ್ಟ್ರೇಲಿಯಾ ಬಳಿಕ ಇದೀಗ ಇಂಗ್ಲೆಂಡ್ ಆಟಗಾರರೂ ಐಪಿಎಲ್ ಗೆ ಕೈ ಕೊಡುವ ಸಾಧ್ಯತೆಯಿದೆ. ತವರಿನಲ್ಲೇ ವಿಶ್ವಕಪ್ ನಡೆಯುತ್ತಿರುವುದರಿಂದ ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿಗೆ ಪ್ರತಿಷ್ಠೆಯ ವಿಚಾರವಾಗಿದೆ. ಹೀಗಾಗಿ ತನ್ನ ತಾರಾ ಆಟಗಾರರನ್ನು ಐಪಿಎಲ್ ಗೆ ಕಳುಹಿಸದೇ ಇರಲು ಮಂಡಳಿ ತೀರ್ಮಾನಿಸಿದೆ. ಇದು ಐಪಿಎಲ್ ಆಕರ್ಷಣೆಗೆ ದೊಡ್ಡ ಹೊಡೆತ ತರುವುದಂತೂ ಖಂಡಿತಾ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.