ಟೀಂ ಇಂಡಿಯಾ ಎರಡನೇ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ ನಲ್ಲಿ ಕೇವಲ 156 ರನ ಗಳಿಗೆ ಆಲೌಟ್ ಆಗಿದೆ. ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಸೇರಿದಂತೆ ಟಾಪ್ ಆರ್ಡರ್ ಬ್ಯಾಟಿಗರು ಹೀನಾಯ ಪ್ರದರ್ಶನ ನೀಡಿದ್ದರೆ. ರೋಹಿತ್ ಸೊನ್ನೆ ಸುತ್ತಿದರೆ ಕೊಹ್ಲಿ 1 ರನ್ ಗೆ ವಿಕೆಟ್ ಒಪ್ಪಿಸಿದ್ದಾರೆ.
‘ಹೆಚ್ಚೇನೂ ಬೇಕಾಗಿಲ್ಲ, ಆದರೆ ಎರಡು ಅಥವಾ ಮೂರು ಇನಿಂಗ್ಸ್ ಗಳನ್ನು ಆಡಿದರೂ ಸಾಕಿತ್ತು. ನೆಟ್ ಪ್ರಾಕ್ಟೀಸ್ ಮಾಡುವುದಕ್ಕಿಂತಲೂ ನಿಜವಾದ ಪಂದ್ಯದಲ್ಲಿ ಆಡುವುದರ ಪರಿಣಾಮವೇ ಬೇರೆಯಿರುತ್ತದೆ. ಇದಕ್ಕೆ ಮೊದಲು ಕೆಲವು ಪಂದ್ಯಗಳನ್ನು ಆಡಿದ್ದರೆ ಚೆನ್ನಾಗಿರುತ್ತಿತ್ತು. ಅದು ನಿಜಕ್ಕೂ ಸಹಾಯ ಮಾಡುತ್ತಿತ್ತು. ಆದರೆ ಕೊಹ್ಲಿಯ ಸ್ಪಿನ್ ಎದುರು ಪರದಾಟಕ್ಕೆ ಇದೊಂದೇ ಕಾರಣ ಎಂದೂ ಹೇಳಲಾಗದು’ ಎಂದು ಕುಂಬ್ಳೆ ಹೇಳಿದ್ದಾರೆ.
