ಲಂಡನ್: ಟೀಂ ಇಂಡಿಯಾ ಸ್ಟಾರ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ-ಅನುಷ್ಕಾ ದಂಪತಿಯ ಪುತ್ರ ಬೇಬಿ ಅಕಾಯ್ ನ ಮೊದಲ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಫೋಟೋ ಎಂದರೆ ಮುಖ ನೋಡುವ ಭಾಗ್ಯ ನಿಮಗಿರಲ್ಲ. ಕೇವಲ ಕೈ ನೋಡಿ ಖುಷಿಪಡಬೇಕು.
ಸದ್ಯಕ್ಕೆ ಅನುಷ್ಕಾ ತಮ್ಮಿಬ್ಬರು ಮಕ್ಕಳೊಂದಿಗೆ ಲಂಡನ್ ನಲ್ಲಿಯೇ ನೆಲೆಸಿದ್ದಾರೆ. ವಿರಾಟ್ ಕೊಹ್ಲಿ ಕೂಡಾ ಕ್ರಿಕೆಟ್ ಆಡುವ ಸಂದರ್ಭದಲ್ಲಿ ಮಾತ್ರ ಭಾರತ ಅಥವಾ ಬೇರೆ ಕಡೆ ಪ್ರಯಾಣ ಮಾಡುತ್ತಾರೆ. ಇಲ್ಲದೇ ಹೋದಲ್ಲಿ ಅವರೂ ಇತ್ತೀಚೆಗೆ ಲಂಡನ್ ನಲ್ಲಿರುವುದೇ ಹೆಚ್ಚು.
ಲಂಡನ್ ನಲ್ಲಿಯೇ ಅಕಾಯ್ ಜನನವಾಗಿತ್ತು. ಇದೀಗ ಲಂಡನ್ ನಲ್ಲಿ ಬೇಸಿಗೆಯ ಕಾಲ. ಹೀಗಾಗಿ ಬೇಸಿಗೆಯಲ್ಲಿ ಮಕ್ಕಳೊಂದಿಗೆ ಅನುಷ್ಕಾ ಸಮ್ಮರ್ ಔಟಿಂಗ್ ಮಾಡಿದ್ದು, ಈ ಕ್ಷಣವನ್ನು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಕೂಲ್ ಟಾಫಿಗಳನ್ನು ಹಿಡಿಸಲು ಅಕಾಯ್ ಬರುತ್ತಿರುವಂತೆ ತೋರುತ್ತಿದ್ದು, ಅಕಾಯ್ ನ ಕೈ ಮಾತ್ರ ಕಾಣುವಂತಹ ಫೋಟೋವನ್ನು ಅನುಷ್ಕಾ ಪ್ರಕಟಿಸಿದ್ದಾರೆ.
ಕೊಹ್ಲಿ ದಂಪತಿ ಇದುವರೆಗೆ ತಮ್ಮ ಮಗಳು ವಮಿಕಾ ಫೋಟೋವನ್ನೂ ಸಾರ್ವಜನಿಕವಾಗಿ ಹಂಚಿಕೊಂಡಿಲ್ಲ. ಜೊತೆಗೆ ಬೇರೆಯವರಿಗೂ ಫೋಟೋ ತೆಗೆಯಲು ಅನುಮತಿ ನೀಡಿಲ್ಲ. ಪುತ್ರನ ವಿಚಾರದಲ್ಲೂ ಅದೇ ನಿಯಮ ಪಾಲಿಸುತ್ತಿದ್ದಾರೆ. ಹಾಗಿದ್ದರೂ ವಮಿಕಾ ಈ ಹಿಂದೆ ತಂದೆ ಕೊಹ್ಲಿ ಪಂದ್ಯವಾಡುವುದನ್ನು ನೋಡಲು ಬಂದಿದ್ದಾಗ ಕ್ಯಾಮರಾ ಕಣ್ಣಿಗೆ ಬಿದ್ದಿದ್ದಳು. ಆದರೆ ಫೆಬ್ರವರಿಯಲ್ಲಿ ಜನಿಸಿದ್ದ ಮಗ ಅಕಾಯ್ ನನ್ನು ಕೊಹ್ಲಿ ದಂಪತಿ ಒಮ್ಮೆ ಮಾತ್ರ ಭಾರತಕ್ಕೆ ಕರೆತಂದಿದ್ದಾರೆ. ಆದರೆ ಇದುವರೆಗೆ ಆತನ ಕಿರುಬೆರಳನ್ನೂ ಬಹಿರಂಗಪಡಿಸಿರಲಿಲ್ಲ. ಇದೇ ಮೊದಲ ಬಾರಿಗೆ ಕೈ ಮಾತ್ರ ಸೋಷಿಯಲ್ ಮೀಡಿಯಾದಲ್ಲಿ ಪ್ರಕಟಿಸಿದ್ದಾರೆ.
