ಢಾಕಾ: ಭಾರತದ ವಿರುದ್ಧ ಹೀನಾಯವಾಗಿ ಸೋತರೂ ಬಾಂಗ್ಲಾದೇಶ ಕ್ರಿಕೆಟ್ ಅಭಿಮಾನಿಗಳು ತೆಪ್ಪಗೆ ಕೂರುವ ಬದಲು ಮತ್ತೆ ತಮ್ಮ ಕೊಳಕು ಅಭಿರುಚಿ ಪ್ರದರ್ಶಿಸಿದ್ದಾರೆ.
ಭಾರತದ ವಿರುದ್ಧ ಪಂದ್ಯಕ್ಕೆ ಮೊದಲು ಬಾಂಗ್ಲಾ ರಾಷ್ಟ್ರಧ್ವಜದ ಚಿತ್ರವಿರುವ ಹುಲಿ ಮತ್ತು ಭಾರತದ ರಾಷ್ಟ್ರಧ್ವಜದ ಚಿತ್ರವಿರುವ ನಾಯಿ ಚಿತ್ರವನ್ನು ಪ್ರಕಟಿಸಿ ತಮ್ಮ ದುರ್ಬುದ್ಧಿ ತೋರಿದ್ದ ಬಾಂಗ್ಲಾ ಅಭಿಮಾನಿಗಳು ಇದೀಗ ಮತ್ತೆ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗೆ ಅವಮಾನವಾಗುವಂತಹ ಪೋಸ್ಟ್ ನ್ನು ಫೇಸ್ ಬುಕ್ ನಲ್ಲಿ ಪ್ರಕಟಿಸಿದ್ದಾರೆ.
ನಿನ್ನೆ ನಡೆದ ಪಂದ್ಯದಲ್ಲಿ ಬಾಂಗ್ಲಾ ಬ್ಯಾಟ್ಸ್ ಮನ್ ಮುಫ್ತಿಕ್ ರೆಹಮಾನ್ ರನ್ನು ಕ್ಯಾಚ್ ಔಟ್ ಮಾಡಿದ ಮೇಲೆ ವಿರಾಟ್ ಕೊಹ್ಲಿ ನಾಲಿಗೆ ಹೊರ ಚಾಚಿ ಡ್ಯಾನ್ಸ್ ಮಾಡಿ ಸಂಭ್ರಮಿಸಿದ್ದರು. ಅದೇ ಫೋಟೋದ ಜತೆಗೆ ನಾಲಿಗೆ ಹೊರ ಚಾಚಿರುವ ನಾಯಿ ಚಿತ್ರವನ್ನು ಸೇರಿಸಿ ಬಾಂಗ್ಲಾ ಅಭಿಮಾನಿಯೊಬ್ಬ ಅತಿರೇಕದ ವರ್ತನೆ ತೋರಿದ್ದಾನೆ.
ಇದಕ್ಕೆ ಸಾವಿರಾರು ಮಂದಿ ಲೈಕ್ಸ್ ಕೊಟ್ಟಿದ್ದಾರೆ. ಇದೇ ರೀತಿ ಬಾಂಗ್ಲಾ ಅಭಿಮಾನಿಗಳು ಹಲವು ಬಾರಿ ಭಾರತೀಯರನ್ನು ಕೆಣಕುವಂತಹ ಪೋಸ್ಟ್ ಮಾಡುತ್ತದ್ದಾರೆ.
