ಅಂತೂ ಇಂತೂ ಟೀಂ ಇಂಡಿಯಾಕ್ಕೆ ಗೆಲುವು ಬಂತು
ನಾಲ್ಕನೇ ದಿನದಾಟದ ಅಂತ್ಯಕ್ಕೆ ಇಂಗ್ಲೆಂಡ್ 9 ವಿಕೆಟ್ ನಷ್ಟಕ್ಕೆ 311 ರನ್ ಗಳಿಸಿತ್ತು. ಹೀಗಾಗಿ ಗೆಲುವಿಗೆ ಟೀಂ ಇಂಡಿಯಾಗೆ ಐದನೇ ದಿನ 1 ವಿಕೆಟ್ ಅಗತ್ಯವಿತ್ತು. ಅದನ್ನು ಇಂದು ಟೀಂ ಇಂಡಿಯಾ ಎರಡೇ ಓವರ್ ಗಳಲ್ಲಿ ಪೂರ್ಣಗೊಳಿಸಿತು. ಅಂತಿಮ ವಿಕೆಟ್ ಜೇಮ್ಸ್ ಆಂಡರ್ಸನ್ ರೂಪದಲ್ಲಿ ರವಿಚಂದ್ರನ್ ಅಶ್ವಿನ್ ಪಾಲಾಯಿತು. ಇದರೊಂದಿಗೆ ಈ ಪಂದ್ಯದಲ್ಲಿ ವಿಕೆಟ್ ಇಲ್ಲದೇ ಬೌಲ್ ಮಾಡಿದ ಅಪವಾದವನ್ನೂ ಅಶ್ವಿನ್ ಕಳೆದರು.
ಇದರೊಂದಿಗೆ ಸರಣಿಯ ಮೊದಲ ಜಯವನ್ನು ಟೀಂ ಇಂಡಿಯಾ ದಾಖಲಿಸಿತು. ಹಾಗಿದ್ದರೂ 1-2 ರಿಂದ ಹಿನ್ನಡೆಯಲ್ಲಿದೆ. ಮುಂದಿನ ಪಂದ್ಯ ಸೌಥಾಂಪ್ಟನ್ ನಲ್ಲಿ ಆಗಸ್ಟ್ 30 ರಿಂದ ನಡೆಯಲಿದೆ. ಸರಣಿ ಉಳಿಸಿಕೊಳ್ಳಬೇಕಾದರೆ ಈ ಪಂದ್ಯವನ್ನೂ ಭಾರತ ಗೆಲ್ಲಲೇಬೇಕಿದೆ.
