ಮತ್ತೆ ಟೀಂ ಇಂಡಿಯಾ ಕೋಚ್ ಆಗಲಿದ್ದಾರೆಯೇ ಗ್ಯಾರಿ ಕಸ್ಟರ್ನ್?!

ಮುಂಬೈ: ಟೀಂ ಇಂಡಿಯಾವನ್ನು ಯಶಸ್ಸಿನ ಉತ್ತುಂಗಕ್ಕೆ ಕರೆದೊಯ್ದಿದ್ದ ದ.ಆಫ್ರಿಕಾ ಮೂಲದ ಗ್ಯಾರಿ ಕಸ್ಟರ್ನ್ ಮತ್ತೆ ಭಾರತ ತಂಡದ ಕೋಚ್ ಆಗಲಿದ್ದಾರೆಯೇ?

ಮೇ 2022 ರ ವೇಳೆಗೆ ಹಾಲಿ ಕೋಚ್ ರವಿಶಾಸ್ತ್ರಿಗೆ 60 ವರ್ಷ ತುಂಬಲಿದೆ. ನಿಯಮಗಳ ಪ್ರಕಾರ 60 ವರ್ಷಕ್ಕಿಂತ ಮೇಲ್ಪಟ್ಟವರು ಕೋಚ್ ಆಗುವಂತಿಲ್ಲ. ಹೀಗಾಗಿ ಶಾಸ್ತ್ರಿ ಅವಧಿ ಕೊನೆಗೊಳ್ಳಲಿದೆ.

ಅದಾದ ಬಳಿಕ ಮತ್ತೆ ಕಸ್ಟರ್ನ್ ಕೋಚಿಂಗ್ ಗೆ ಮರಳಿದರೂ ಅಚ್ಚರಿಯಿಲ್ಲ. ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಕಸ್ಟರ್ನ್ ಗೆ ಈ ಪ್ರಶ್ನೆ ಕೇಳಿದಾಗ ಸ್ವತಃ ಅವರೂ ಆಸಕ್ತಿ ಹೊಂದಿರುವುದಾಗಿ ಹೇಳಿದ್ದರು. ಸದ್ಯಕ್ಕೆ 52 ವರ್ಷ ವಯಸ್ಸಿನವರಾದ ಕಸ್ಟರ್ನ್ ಗೆ ಆಟಗಾರರ ಬೆಂಬಲವೂ ಇದೆ. ಹೀಗಾಗಿ ಮರಳಿ ಟೀಂ ಇಂಡಿಯಾ ಕೋಚ್ ಆದರೂ ಅಚ್ಚರಿಯಿಲ್ಲ.