ಹರಾರೆ ಅಂತಾರಾಷ್ಟ್ರೀಯ ವಿಮಾನನಿಲ್ದಾಣದಲ್ಲಿ ಆಟಗಾರರ ಆಗಮನವನ್ನು ಬಿಸಿಸಿಐ ಟ್ವೀಟ್ ಮಾಡಿದ್ದು ಧೋನಿ ಮತ್ತು ಅವರ ತಂಡ ವಿಮಾನನಿಲ್ದಾಣದಲ್ಲಿ ವಿಧಿವಿಧಾನಗಳನ್ನು ಪೂರೈಸುವ ಚಿತ್ರಗಳನ್ನು ಪೋಸ್ಟ್ ಮಾಡಲಾಗಿದೆ. ತಂಡವು ಜಿಂಬಾಬ್ವೆ ವಿರುದ್ಧ ಜೂನ್ 11 ಮತ್ತು 22ರ ನಡುವೆ ಮೂರು ಏಕದಿನ ಪಂದ್ಯಗಳನ್ನು ಮತ್ತು ಅಷ್ಟೇ ಸಂಖ್ಯೆಯ ಟಿ 20 ಪಂದ್ಯಗಳನ್ನು ಆಡಲಿದೆ. ಎಲ್ಲಾ ಪಂದ್ಯಗಳನ್ನು ಹರಾರೆ ಕ್ರೀಡಾ ಕ್ಲಬ್‌ನಲ್ಲಿ ಆಡಿಸುವುದಕ್ಕೆ ನಿಗದಿಯಾಗಿದೆ.
ಏಕದಿನ ಪಂದ್ಯಗಳನ್ನು ಜೂನ್ 11, 13 ಮತ್ತು 15ರಂದು ಆಡಲಾಗುತ್ತದೆ ಮತ್ತು ಟಿ 20 ಪಂದ್ಯಗಳನ್ನು ಜೂನ್ 18, 20 ಮತ್ತು 22ರಂದು ಆಡಲಾಗುತ್ತದೆ. ಹೊಸ ನೋಟದ ಭಾರತ ತಂಡವು ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ, ಶಿಖರ್ ಧವನ್ ಮತ್ತು ರವಿಚಂದ್ರನ್ ಅಶ್ವಿನ್ ಮುಂತಾದ ಹಿರಿಯ ಆಟಗಾರರ ಅನುಪಸ್ಥಿತಿಯಲ್ಲಿ ಹರಾರೆಗೆ ಆಗಮಿಸಿದೆ.
