ಐಪಿಎಲ್ 2023: ಪ್ರಬಲ ಗುಜರಾತ್ ಗೆ ಡೆಲ್ಲಿ ಎದುರಾಳಿ
ಗುಜರಾತ್ ಆರಂಭಿಕ ಪಂದ್ಯದಲ್ಲಿ ಚೆನ್ನೈ ವಿರುದ್ಧ ಭರ್ಜರಿ ಗೆಲುವು ದಾಖಲಿಸಿತ್ತು. ಆದರೆ ಡೆಲ್ಲಿ ಕ್ಯಾಪಿಟಲ್ಸ್ ಮೊದಲ ಪಂದ್ಯದಲ್ಲಿ ಸೋಲು ಅನುಭವಿಸಿತ್ತು. ಹೀಗಾಗಿ ಡೆಲ್ಲಿ ತವರಿನ ಲಾಭ ಪಡೆದು ಮೊದಲ ಗೆಲುವು ದಾಖಲಿಸುವ ತವಕದಲ್ಲಿದೆ.
ಅತ್ತ ಗುಜರಾತ್ ಟೈಟನ್ಸ್ ಗೆ ಅತ್ಯುತ್ತಮ ಫಾರ್ಮ್ ನಲ್ಲಿರುವ ಶುಬ್ಮನ್ ಗಿಲ್ ಬ್ಯಾಟಿಂಗ್ ಶಕ್ತಿ. ಜೊತೆಗೆ ರಶೀದ್ ಖಾನ್, ರಾಹುಲ್ ತೆವಾತಿಯಾರಂತಹ ಪ್ರತಿಭಾವಂತರಿದ್ದಾರೆ. ಇತ್ತ ಡೆಲ್ಲಿ ಕ್ಯಾಪಿಟಲ್ಸ್ ಕಳೆದ ಪಂದ್ಯದಲ್ಲಿ ಬ್ಯಾಟಿಂಗ್ ನಲ್ಲಿ ಕಳೆಗುಂದಿತ್ತು. ನಾಯಕ ಡೇವಿಡ್ ವಾರ್ನರ್ ಸಿಡಿಯಬೇಕಿದೆ. ಪೃಥ್ವಿ ಶಾ, ಮನೀಶ್ ಪಾಂಡೆ ಮುಂತಾದವರು ಖ್ಯಾತಿಗೆ ತಕ್ಕ ಆಟವಾಡಿದರೆ ಗೆಲುವು ಸಾಧ‍್ಯ. ಈ ಪಂದ್ಯ ಸಂಜೆ 7.30 ಕ್ಕೆ ಆರಂಭವಾಗುವುದು.
