ಐಪಿಎಲ್ 2023: ಶೂನ್ಯವೋ ಎಲ್ಲಾ ಶೂನ್ಯವೋ..!
ಇದರಿಂದಾಗಿ ಸೋಷಿಯಲ್ ಮೀಡಿಯಾದಲ್ಲಿ ಅವರು ತೀವ್ರ ಟ್ರೋಲ್ ಗೊಳಗಾಗಿದ್ದಾರೆ. ಭಾರತ-ಆಸ್ಟ್ರೇಲಿಯಾ ಸರಣಿಯಲ್ಲೂ ಮೂರು ಬಾರಿ ಸತತವಾಗಿ ಶೂನ್ಯಕ್ಕೆ ಔಟಾಗಿ ಸೂರ್ಯ ಮುಜುಗರ ಅನುಭವಿಸಿದ್ದರು.
ಇದೀಗ ಐಪಿಎಲ್ ನಲ್ಲೂ ಇದುವರೆಗೆ ಆಡಿದ ಮೂರೂ ಪಂದ್ಯಗಳಲ್ಲಿ ಅವರ ಸಾಧನೆ ಅದೇ ರೀತಿ ಮುಂದುವರಿದಿದೆ. ಐಪಿಎಲ್ ಅಲ್ಲದೆ, ಭಾರತದ ಪರ ಎಲ್ಲಾ ಫಾರ್ಮ್ಯಾಟ್ ಗಳಲ್ಲಿ ಕಳೆದ 7 ಇನಿಂಗ್ಸ್ ಗಳಲ್ಲಿ ಸೂರ್ಯ ನಾಲ್ಕು ಬಾರಿ ಗೋಲ್ಡನ್ ಡಕ್ ಆಗಿದ್ದಾರೆ. ಹೀಗಾಗಿ ಅವರನ್ನು ತಂಡದಿಂದ ಕಿತ್ತೊಗೆಯಬೇಕು ಎಂಬ ಕೂಗು ಕೇಳಿಬರುತ್ತಿದೆ. ಆದರೆ ಇನ್ನೇನು ವಿಶ್ವಕಪ್, ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ಬರುತ್ತಿದ್ದು, ಸೂರ್ಯ ಪ್ರಮುಖ ಘಟ್ಟದಲ್ಲೇ ಫಾರ್ಮ್ ಕಳೆದುಕೊಂಡಿರುವುದು ಅವರಿಗೇ ಮುಳುವಾಗಬಹುದು.
